Deuteronomy 7:13 - Yn Vible Casherick 1775 1819

¹³ As ver eh graih dhyt, as nee eh dty vannaghey, as dty vishaghey: ver eh myrgeddin bannaght er sluight dty vreïn, as mess dty hallooin, arroo as feeyn, as ooil as bishaght dty helloo, as dty hioltaneyn keyrragh, ayns y cheer vreear eh da dty ayraghyn dy choyrt dhyt.

Deuteronomy 7:13 ပူးပေါင်းရင်းမြစ်များ

Nehemiah 9:32

Nish, er-y-fa shen, nyn Yee, yn Jee mooar, niartal as atchimagh, ta freayll conaant as myghin; ny jean uss beg y hoiaghey jeh ooilley ny seaghyn shoh t’er jeet orrin hene, er ny reeaghyn, ny princeyn, ny saggyrtyn, as ny phadeyryn, as ny ayraghyn ain, as er ooilley dty phobble, veih laghyn reeaghyn Assyria, gys y laa shoh.

Lioar Yob 1:10

Nagh vel oo er n’yannoo cleiy mygeayrt-y-mysh hene, as mysh e hie, as mysh ooilley ny t’echey er dy chooilley heu? T’ou er vannaghey obbyr ny laueyn echey, as ta e chooid-seihlt er ny vishaghey er y thalloo.

Lioar Yob 42:12

Myr shoh vannee’n Chiarn jerrey bea Yob ny smoo na’n toshiaght: son v’echey kiare thousaneyn jeig keyrragh, as shey thousane camel, as thousane whing dy ghew, as thousane assyl bwoirryn.

Psalmyn 1:3

As bee eh myr billey soit rish oirr yn ushtey: ver magh e vess ayns imbagh cooie.

Psalmyn 107:38

T’eh dy nyn mannaghey ad, dy vel ad bishaghey erskyn towse: as cha vel eh surranse da’n maase oc dy ve ny sloo ayns earroo.

Psalmyn 11:7

Er ny mee-chrauee deayrtee eh ribbaghyn, aile as brimstone, sterrym as dorrin: shoh vees y cronney ocsyn dy iu.

Psalmyn 127:3

Cha vel eh agh obbyr caillit dy vel shiu ayns siyr dy irree dy moghey, as cha anmagh goaill fea, as gee yn arran dy imnea: son shen myr t’eh coyrt cadley dauesyn shinney lesh.

Psalmyn 146:8

Ta’n Chiarn cooney lhieusyn t’er duittym: ta’n Chiarn goaill kiarail jeh’n vooinjer chairagh.

Exodus 23:25

As nee shiu shirveish y Chiarn y Jee eu, as ver eh bannaght er dty arran, as er dty ushtey, as neem’s aslayntyn y ghoaill veih nyn mast’ eu.

Raaghyn Creeney 10:22

Ta bannaght y Chiarn berchagh, as cha vel eh coyrt seaghyn erbee lesh.

Raaghyn Creeney 15:9

Ta raad y drogh pheccagh feohdoil da’n Chiarn: agh shynney lesh eh ta geiyrt er cairys.

Leviticus 26:9

Son neem’s soiaghey jiuish, as jannoo shiu messoil, as bishaghey shiu, as niartaghey my chonaant riu.

Noo Mian 6:33

Agh shir-jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

Noo Ean 14:21

Eshyn ta my annaghyn’s echey, as ta freayll ad, eshyn eh ta graihagh orrym’s: as eshyn ta graihagh orrym, ver my Ayr graih da, as ver-yms graih da, as soilshee-ym mee hene da.

Noo Ean 15:10

My nee shiu my annaghyn y reayll, nee shiu tannaghtyn ayns my ghraih: eer myr ta mish er vreayll annaghyn my Ayrey, as tannaghtyn ayns y ghraih echeysyn.

Noo Ean 16:27

Son ta’n Ayr hene graihagh erriu, er-y-fa dy vel shiuish er ve graihagh orrym’s, as dy chred shiu dy daink mee magh veih Jee.

Deuteronomy 1:8

Cur-my-ner, Ta mee er choyrt y cheer kiongoyrt riu: immee-jee stiagh, as gow-jee yn cheer, vreear y Chiarn da nyn ayraghyn, Abraham, Isaac, as Jacob, dy choyrt dauesyn, as da nyn sluight nyn yeï.

Deuteronomy 13:17

As cha keill oo veg jeh’n red custey: dy vod y Chiarn dty Yee chyndaa veih dewilys e chorree, as soilshaghey myghin dhyt, as chymmey v’echey ort, as bishaghey oo, myr vreear eh da dty ayraghyn;

Deuteronomy 28:1

As hig eh gy-kione, my nee oo geaishtagh dy imneagh rish coraa’n Chiarn dty Yee, dy reayll as dy chooilleeney ooilley e oardaghyn, ta mee dy harey dhyt jiu, dy jean y Chiarn dty Yee oo y hoiaghey seose erskyn ooilley ashoonyn y theihll.

Deuteronomy 28:11

As nee’n Chiarn uss y vishaghey ayns cooid, ayns sluight dty chorp, as ayns ingan dty vaase, as ayns mess dty hallooin, ayns y cheer vreear y Chiarn da dty ayraghyn dy choyrt dhyt.

Deuteronomy 30:5

As ver y Chiarn dty Yee lesh oo reesht gys cheer eiraght dty ayraghyn, as yiow cummal ayn: as bee eh mie rhyt, as oo y vishaghey erskyn dty ayraghyn.

Deuteronomy 7:7

Cha nee son dy row shiuish ny shlee ayns earroo, dy hoie yn Chiarn e ghraih erriu, ny dy ren eh nyn reih (son va shiuish yn ashoon by-loo jeh dy chooilley ashoon)