Deuteronomy 7:1 - Yn Vible Casherick 1775 1819

¹ Erreish da’n Chiarn dty Yee v’er choyrt lesh oo stiagh gys y cheer shen ta kiarit dhyt son eiraght, as erreish dhyt v’er n’eiyrt magh royd ymmodee ashoonyn, ny Hittiteyn, as ny Girgashiteyn, as ny Amoriteyn, as ny Canaaniteyn, as ny Perizziteyn as ny Hiviteyn, as ny Jebusiteyn, shiaght ashoonyn ny smoo as ny s’pooaral na oo hene;

Deuteronomy 7:1 ပူးပေါင်းရင်းမြစ်များ

1 Reeaghyn 16:31

As haink eh gy-kione, myr nagh beagh eh agh red fardalagh dasyn dy hooyl ayns peccaghyn Yeroboam mac Nebat, dy ghow eh son ben Jezebel inneen Ethbaal ree ny Zidonianee, as hie eh as hirveish eh Baal, as hug eh ooashley da.

1 Recortyssyn 1:14

Yn Jebusite myrgeddin, as yn Amorite, as y Girgashite,

2 Recortyssyn 8:7

Agh son ooilley yn pobble va faagit jeh ny Hittiteyn, as ny Amoriteyn, as ny Perizziteyn, as ny Hiviteyn, as ny Jebusiteyn nagh row jeh Israel;

Ezra 9:1

Nish, lurg da ny reddyn shoh ve jeant, haink ny princeyn hym gra, Cha vel pobble Israel, as ny saggyrtyn, as ny Leviteyn, er scarrey ad-hene veih pobble ny cheeraghyn [joarree], jannoo cordail rish ny obbraghyn feohdoil oc, eer jeh ny Canaaniteyn, ny Hittiteyn, ny Perizziteyn, ny Jebusiteyn, ny Ammoniteyn, ny Moabiteyn, as Egyptianee, as ny Amoriteyn.

Nehemiah 13:23

Ayns ny laghyn shen myrgeddin, honnick mee paart jeh ny Hewnyn v’er phoosey mraane Ashdod, Ammon, as Moab:

Psalmyn 78:55

As hug eh lesh ad cheu-sthie jeh cagliaghyn e ynnyd casherick: dy jarroo gys y chronk t’eshyn er chosney lesh e laue yesh.

Exodus 15:7

As ayns mooad’s dty ghloyr t’ou er choyrt fo-chosh adsyn dirree seose dt’oï: hug oo magh dty yymmoose, hug mow ad myr stubble.

Exodus 23:28

As ver-yms ny peishteigyn-nieunagh royd, nee yn Hivite, yn Canaanite, as yn Hittite y eebyrt royd.

Exodus 23:32

Cha jean oo conaant erbee roosyn, ny rish ny jeeghyn oc.

Exodus 23:33

Cha lhig oo daue cummal ayns dty heer, er-aggle dy dayrn ad oo gys peccah m’oï: son my nee oo shirveish ny jeeghyn ocsyn, bee eh, son shickyrys, ribbeh dhyt.

Exodus 33:2

As ver-ym ainle royd; as eiyr-ym magh yn Canaanite, yn Amorite, as yn Hittite, as y Perizzite, yn Hivite, as y Jebusite;

Exodus 6:8

As ver-yms lhiam shiu stiagh gys y cheer, my-e-chione ren mee breearrey dy choyrt eh da Abraham, as da Isaac, as da Jacob: as ver-yms diuish eh son eiraght: mish y Chiarn.

Leviticus 14:34

Tra vees shiu er jeet gys cheer Chanaan, ta mish dy choyrt diu son eiraght, as dy der-yms y doghan dy louraanys, ayns thie erbee jeh cheer nyn eiraght;

Earrooyn 13:29

Ta ny Amalekiteyn cummal ayns y cheer, my-yiass: as ta ny Hittiteyn, as ny Jebusiteyn, as ny Amoriteyn cummal ayns ny sleityn: as ta ny Canaaniteyn cummal er oirr ny marrey, as liorish slyst Yordan.

Earrooyn 14:31

Agh y chloan veggey eu, dooyrt shiu veagh son spooilley, adsyn ver-ym lhiam ayn, as yiow ad eiraght ’sy cheer ta shiuish er hoiaghey beg jeh.

Jannoo 13:19

As tra v’eh er stroie shiaght ashoonyn ayns cheer Chanaan, rheynn eh yn thalloo oc orroo liorish cron.

Deuteronomy 11:29

As shoh myr vees eh, erreish da’n Chiarn dty Yee v’er choyrt lesh stiagh oo gys y cheer ta kiarit son dty eiraght, dy der oo yn bannaght er cronk Gerizim, as yn mollaght er cronk Ebal.

Deuteronomy 20:1

Tra t’ou goll magh dy chaggey noi dty noidyn, as fakin cabbil, as fainee, as sleih ny shlee ayns earroo na oo hene, ny gow aggle roue: son ta’n Chiarn dty Yee mayrt, hug lesh uss magh ass cheer Egypt.

Deuteronomy 20:16

Agh jeh ard-valjyn y pobble shoh, ta’n Chiarn dty Yee dy choyrt dhyt son eiraght, cha jean oo sauail bio cretoor dy vel ennal ayn:

Deuteronomy 31:20

Son erreish dou v’er choyrt lhiam ad gys y cheer, vreear mee da nyn ayraghyn, ta palchey ayns bainney as mill; as erreish daue v’er n’ee as er n’yannoo ad hene magh, as er n’aase rouanagh; eisht nee ad chyndaa gys jeeghyn elley, as shirveish ad, as brasnaghey mish, as brishey my chonaant.

Deuteronomy 31:3

Yn Chiarn dty Yee, eshyn hed harrish royd, as nee eh stroie ny ashoonyn shoh royd, as ver eh uss nyn ynnyd; as bee Joshua dty leeideilagh harrish, myr ta’n Chiarn er ghra.

Deuteronomy 4:38

Dy imman magh royd ashoonyn, smoo as ny s’niartal na oo hene, dy choyrt lesh uss stiagh, dy choyrt dhyt’s y cheer oc son eiraght, myr te yn laa jiu.

Deuteronomy 6:1

Nish shoh ny annaghyn, ny slattyssyn, as ny briwnyssyn, doardee yn Chiarn nyn Yee dy ynsaghey diu, dy reayll ad ’sy cheer ta shiu goll dy chummal ayn:

Deuteronomy 6:10

As erreish da’n Chiarn dty Yee v’er choyrt lesh oo stiagh, gys y cheer vreear eh da dty ayraghyn, da Abraham, Isaac, as Jacob, dy chur dhyt ard-valjyn mooar as aalin, nagh ren uss troggal,

Deuteronomy 6:19

Dy eiyrt magh royd ooilley dty noidyn, myr ta’n Chiarn er loayrt.

Deuteronomy 6:23

As hug eh lesh shin magh veih shen, dy leeideil shin stiagh, as dy chur dooin y cheer vreear eh da nyn ayraghyn.

Deuteronomy 9:1

Eaisht, O Israel, t’ou dy gholl harrish Jordan dy gerrit, ry-hoi goaill possession jeh ashoonyn ny smoo as ny s’pooaral na oo hene, ard-valjyn mooar as voallit dy ard,

Deuteronomy 9:3

Toig er-y-fa shen, yn laa jiu, dy nee yn Chiarn dty Yee eh ta goll royd myr aile ta coyrt mow: nee eh ad y stroie, as nyn lhieggal kiongoyrt rhyt: myr shoh nee oo nyn eebyrt magh, as stroie ad dy bollagh, myr ta’n Chiarn er ghra rhyt.

Deuteronomy 9:4

Ny smooinee ayns dty chree, erreish da’n Chiarn dty Yee v’er eebyrt ad magh royd, gra, Son my chairys hene ta’n Chiarn er choyrt lesh mee stiagh dy ghoaill possession jeh’n cheer shoh: agh son mee-chraueeaght ny ashoonyn shoh, ta’n Chiarn er nyn imman magh royd.

Joshua 11:3

As gys y Chanaanite er cheu-har as cheu-heear, as gys yn Amorite, as yn Hittite, as y Perizzite, as y Jebusite ayns ny sleityn, as gys yn Hivite fo Hermon, ayns cheer Vispeh.

Joshua 24:11

As hie shiu harrish Jordan, as haink shiu gys Jericho: as ren deiney Yericho caggey nyn ’oï, ny Amoriteyn, as ny Perizziteyn, as ny Canaaniteyn, as ny Hittiteyn, as ny Girgashiteyn, ny Hiviteyn, as ny Jebusiteyn; as ren mee ad y livrey gys nyn laue.

Joshua 3:10

As dooyrt Joshua, Liorish shoh bee fys eu dy vel y Jee bio ny-vud eu, as dy jean eh son shickyrys geiyrt magh kiongoyrt riu ny Canaaniteyn, as ny Hittiteyn, as ny Hiviteyn, as ny Perizziteyn, as ny Girgashiteyn, as ny Amoriteyn, as ny Jebusiteyn.