Deuteronomy 6:1 - Yn Vible Casherick 1775 1819

¹ Nish shoh ny annaghyn, ny slattyssyn, as ny briwnyssyn, doardee yn Chiarn nyn Yee dy ynsaghey diu, dy reayll ad ’sy cheer ta shiu goll dy chummal ayn:

Deuteronomy 6:1 ပူးပေါင်းရင်းမြစ်များ

Exodus 21:1

Nish ad shoh ny leighyn nee oo soiaghey roue.

Exodus 23:13

As cur-jee tastey mie da dy chooilley nhee ta mee er ghra riu: as ny jean-jee imraa jeh ennym jeeghyn joarree, chamoo lhig da ve er ny chlashtyn ass dty veeal.

Ezekiel 20:19

Mish y Chiarn nyn Yee; shooill-jee ayns my lattyssyn, as freill-jee my vriwnyssyn, as jean-jee ad.

Ezekiel 37:24

As bee David my harvaant yn ree harrystoo; as bee yn un vochilley orroo: nee ad myrgeddin neesht gimmeeaght ayns my vriwnyssyn, as freayll my lattyssyn, as jannoo ad.

Leviticus 27:34

Shoh ny oardaghyn ren y Chiarn sarey da Moses, son cloan Israel, ayns slieau Sinai.

Earrooyn 36:13

Shoh ny oardaghyn as ny briwnyssyn, ren y Chiarn sarey liorish laue Voses, da cloan Israel, ayns cheer-rea Voab, liorish Jordan, er-gerrey da Jericho.

Deuteronomy 12:1

Ad shoh ny slattyssyn as ny briwnyssyn, vees shiu imneagh dy chooilleeney ayns y cheer ta’n Chiarn Jee dty ayraghyn ry-hoi coyrt dhyt, dy ghoaill possession jeh, ooilley ny laghyn vees shiu bio er y thalloo.

Deuteronomy 3:18

As hug mee currym erriu ec y traa shen, gra, Ta’n Chiarn nyn Yee er choyrt diu yn cheer shoh, dy chummal ayn: hed shiu ooilley ny ta cooie son caggey magh armit, roish nyn mraaraghyn cloan Israel.

Deuteronomy 33:3

V’eh graihagh er e phobble; ta ooilley e nooghyn ayns dty laue: as hoie ad sheese ec dty chassyn; nee ad ooilley goaill-rish dty ghoan.

Deuteronomy 4:1

Eaisht nish, O Israel, rish ny slattyssyn, as ny briwnyssyn, ta mee gynsaghey diu, dy chooilleeney ad, dy vod shiu ve beayn, as goll stiagh, as cummal ayns y cheer, ta’n Chiarn Jee nyn ayraghyn dy choyrt diu.

Deuteronomy 4:14

As hug y Chiarn currym orrym ec y traa shen, dy ynsaghey diu slattyssyn as briwnyssyn, dy voddagh shiu ad y reayll ayns y cheer, raad ta shiu goll harrish dy gheddyn eiraght ayn.

Deuteronomy 4:45

Shoh ny recortyssyn, as ny slattyssyn, as ny briwnyssyn, loayr Moses rish cloan Israel, lurg daue v’er jeet magh ass Egypt:

Deuteronomy 4:5

Cur-my-ner, ta mee er choyrt reue slattyssyn as briwnyssyn, eer myr ta’n Chiarn my Yee er m’y harey, dy jinnagh shiu nyn lurg ayns y cheer, raad ta shiu goll dy ghoaill possession jeh.

Deuteronomy 5:31

Agh er dty hon hene, shass uss ayns shoh liorym’s, as ver-ym royd ooilley ny annaghyn, as ny slattyssyn, as ny briwnyssyn nee uss gynsaghey daue, dy vod ad cooilleeney ad, ayns y cheer ta mish dy choyrt daue son eiraght.

Deuteronomy 5:33

Nee shiu gimmeeaght ayns ooilley ny raaidyn, ta’n Chiarn y Jee eu er harey diu, dy vod shiu ve bio, as maynrey, as dy vod nyn laghyn ve beayn, ayns y cheer ta kiarit diu son eiraght.

Deuteronomy 6:2

Dy voddagh oo goaill aggle roish y Chiarn dty Yee, dy reayll ooilley e lattyssyn, as e oardaghyn ta mee dy harey dhyt; oo hene, as dty vac, as cloan dty chlienney, ooilley laghyn dty vea, as dy vod dty laghyn ve beayn.