Deuteronomy 5:2 - Yn Vible Casherick 1775 1819

² Ren y Chiarn nyn Yee conaant rooinyn ayns Horeb.

Deuteronomy 5:2 ပူးပေါင်းရင်းမြစ်များ

2 Reeaghyn 17:35

Roosyn va’n Chiarn er n’yannoo conaant, as er harey ad, gra, Cha der shiu ooashley da jeeghyn elley, ny shiu-hene y chroymmey sheese huc, ny ad y hirveish, ny oural y hebbal daue:

Exodus 19:1

Ayns y trass vee, lurg da cloan Israel v’er n’gholl magh veih cheer Egypt, er y chied laa jeh’n vee, haink ad gys faasagh Sinai.

Exodus 24:8

As ghow Moses yn uill as spreih eh eh er y pobble, as dooyrt eh, Cur-jee my-ner, shoh fuill y chonaant, ta’n Chiarn er n’yannoo riuish, mychione ooilley ny goan shoh.

Exodus 34:10

As dooyrt eh, cur-my-ner, ta mee jannoo conaant; kiongoyrt rish ooilley dty phobble neem’s mirrilyn, nyn lheid as nagh row rieau jeant er feaï-ny-cruinney, ny ayns ashoon erbee; as nee ooilley’n pobble t’ou nyn mastey, fakin obbraghyn y Chiarn: son red atchimagh eh neem’s er dty hon.

Jeremiah 11:4

Shen hug mee ayns currym da nyn ayraghyn ’sy laa hug mee lhiam magh ad veih cheer Egypt, veih’n choirrey yiarn, gra, Bee-jee biallagh da goan my choraa, as jean-jee ad y chooilleeney, cordail rish ooilley ta mee dy harey diu: myr shen bee shiuish yn pobble aym’s, as beem’s yn Jee euish;

Jeremiah 31:32

Cha nee rere y chonaant ren mee rish nyn ayraghyn, ’sy laa ghow mee ad er y laue, dy chur lhiam ad ass cheer Egypt; (my chonaant cheddin vrish ad, ga dy row mee myr dooinney-poost dauesyn, ta’n Chiarn dy ghra;)

Jeremiah 34:13

Myr shoh ta’n Chiarn, Jee Israel, dy ghra, Ren mish conaant rish ny ayraghyn eu ayns y laa hug mee lhiam magh ad ass cheer Egypt, veih thie ny bondiaght, gra,

Malachi 4:4

Cooinee-jee er leigh Voses my hirveishagh, shen doardee mee da ayns Horeb, son ooilley Israel, marish my lattyssyn as my vriwnyssyn.

Deuteronomy 1:6

Ren y Chiarn y Jee ain loayrt rooin ayns Horeb gra, Ta shiu er chummal foddey dy liooar ’sy clieau shoh:

Deuteronomy 29:1

Shoh goan y chonaant, hug y Chiarn currym er Moses dy yannoo rish cloan Israel ayns cheer Voab, cheu-mooie jeh’n chonaant ren eh roo ayns Horeb.

Deuteronomy 4:13

As hoilshee eh diu e chonaant, doardee eh diu dy chooilleeney, dy jarroo, ny jeih annaghyn, as scrieu eh ad er daa voayrd chloaie.

Deuteronomy 4:23

Bee-jee er nyn dwoaie, er-aggle dy jarrood shiu conaant y Chiarn nyn Yee, ren eh riu, as nagh jean shiu diu hene jalloo grainnit, ny co-chaslys nhee erbee ta’n Chiarn dty Yee er lhiettal dhyt.

Deuteronomy 5:1

As deïe Moses er ooilley Israel, as dooyrt eh roo, Eaisht, O Israel, rish ny slattyssyn as ny briwnyssyn, ta mee fockley magh diu yn laa jiu, dy vod shiu gynsaghey ad, as freayll, as cooilleeney ad.