Deuteronomy 5:12 - Yn Vible Casherick 1775 1819

¹² Freill yn doonaght, dy chasherickey eh, myr ta’n Chiarn dty Yee er dty harey.

Deuteronomy 5:12 ပူးပေါင်းရင်းမြစ်များ

Nehemiah 13:15

As ayns ny laghyn shen, honnick mee ayns Judah sleih stampey pressyn-feeyney er y doonaght, as chur lhieu bunneeyn, as laadey assylyn; as myrgeddin cur lhieu feeyn, berrishyn-feeyney, as figgyn, as dy chooilley vonney dy erraghyn gys Jerusalem, er y doonaght: as dymmyrk mee feanish nyn ’oï, gyn arragh dy chreck cooid-veaghee er y laa shen.

Exodus 16:23

As dooyrt eh roo, Shoh ny dooyrt y Chiarn; Mairagh feailley’n doonaght casherick gys y Chiarn: fuin-jee shen ta shiu ry-hoi fuinney jiu, as broie-jee shen ta shiu ry-hoi broie: as my vees fooilliagh erbee eu, tasht-jee eh derrey’n voghrey.

Exodus 16:30

Myr shen ghow’n pobble fea er y chiaghtoo laa.

Exodus 31:13

Loayr uss myrgeddin rish cloan Israel, gra, Nee shiu dy firrinagh my ghooneeyn y reayll: son te ny chowrey eddyr mish as shiuish, trooid nyn sheelogheyn; dy vod fys ’ve eu dy nee mish y Chiarn, ta casherickey shiu.

Exodus 31:15

Shey laa foddee obbyr ’ve jeant, agh er y chiaghtoo, ta’n doonaght-fea, casherick da’n Chiarn: quoi-erbee nee veg yn obbyr er y doonaght, bee eh, son shickyrys, er ny choyrt gy-baase.

Isaiah 56:6

Myrgeddin mec y joarree ta lhiantyn ad-hene gys y Chiarn, dy hirveish eh, as dy choyrt graih da ennym y Chiarn, dy ve e hirveishee, dagh unnane ta freayll yn doonaght veih brishey eh, as ta goaill greme er my chonaant;

Isaiah 58:13

My hyndaa-ys oo dty chass veih cooishyn seihltagh er y doonaght, veih geiyrt da dty aigney hene er my laa casherick; as genmys yn doonaght Laa eunyssagh, Casherick gys y Chiarn, as Onnoroil; as dy der oo ooashley da, gyn geiyrt er dty raaidyn hene, ny shirrey dty haitnys hene, ny cur reamys da dty ghoan hene:

Jeremiah 17:22

Chamoo cur-jee lhieu errey erbee magh ass nyn dhieyn er y doonaght, chamoo jean-jee monney erbee dy obbyr; agh freill-jee yn doonaght dy casherick, myr doardee mee da nyn ayraghyn.

Noo Mark 2:27

As dooyrt eh roo, Va’n doonaght er ny yannoo son dooinney, as cha nee dooinney son y doonaght:

Deuteronomy 5:13

Shey laa nee oo laboragh, as jannoo ooilley dty obbyr: