Deuteronomy 5:10 - Yn Vible Casherick 1775 1819

¹⁰ As soilshaghey myghin er thousaneyn, jeusyn ta graihagh orrym, as freaylley m’annaghyn.

Deuteronomy 5:10 ပူးပေါင်းရင်းမြစ်များ

Romanee 8:28

As ta fys ain dy vel dy chooilley nhee gobbraghey cooidjagh son y chooid share, dauesyn ta graihagh er Jee, dauesyn t’er nyn eam cordail rish e aigney.

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.

Jeremiah 32:18

T’ou soilshaghey kenjallys-ghraihagh da thousaneyn, as cooilleeney mee-chairys ny ayraghyn gys oghrish nyn gloan nyn yeï: yn Jee mooar as niartal, Chiarn ny flaunyssee yn ennym echeysyn,

Jamys 1:25

Agh quoi-erbee ta jeeaghyn dy dowin ayns leigh yn seyrsnys firrinagh, as tannaghtyn ayn; nagh vel jarrood ny t’eh dy chlashtyn, agh fer ta jannoo yn obbyr, bee’n dooinney shoh bannit ayns e yannoo.

Galatianee 5:6

Son ayns Yeesey Creest, cha vel giarey-chymmylt jeh veg y vondeish, ny an-ghiarey-chymmylt, agh credjue ta gobbraghey liorish graih.

Noo Ean 15:14

She my chaarjyn shiuish, my nee shiu ny ta mish dy harey diu.

Daniel 9:4

As ghow mee padjer gys y Chiarn my Yee, as ghow mee rish my pheccaghyn, as dooyrt mee, O Hiarn, y Jee mooar as atchimagh, freayll y conaant as myghin ny chour ocsyn ta graihagh er, as nyn gour-syn ta freayll e annaghyn:

Noo Ean 14:15

My ta shiu graihagh orrym’s, freill-jee my annaghyn.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

Exodus 34:7

Freaylley myghin gour thousaneyn, mial mee-chraueeaght, as loghtyn, as peccah, as nagh jean, er saase erbee, ny kimmee y heyrey: kerraghey peccaghyn ny ayraghyn er y chloan, as er cloan ny chlienney, gys y trass as y chiarroo heeloghe.

Earrooyn 14:18

Ta’n Chiarn foddey-surransagh, as jeh myghin vooar, leih mee-chairys as peccah; as gyn er aght erbee seyrey yn drogh-yantagh, kerraghey mee-chairys ny ayraghyn er y chloan, gys y trass as y chiarroo heeloghe.

Deuteronomy 7:9

Toig er-y-fa shen, dy nee yn Chiarn dty Yee, yn ynrycan Jee, yn Jee firrinagh, ta cooilleeney conaant, as myghin roosyn ta graihagh er, as freayll e annaghyn, gys thousane sheeloghe;

Joshua 22:5

Agh bee-jee feer chiaralagh dy chooilleeney’n sarey as y leigh, hug Moses sharvaant y Chiarn ayns currym diu, dy chur graih da’n Chiarn nyn Yee, as dy immeeaght ayns ooilley e raaidyn, as dy reayll e annaghyn, as dy lhiantyn huggey, as dy hirveish eh lesh ooilley nyn gree as lesh ooilley nyn annym.

Psalmyn 103:17

Agh ta mieys myghinagh y Chiarn farraghtyn son dy bragh as dy bragh orroosyn ta goaill aggle roish: as e chairys er cloan chlienney;

Deuteronomy 4:40

Nee oo er-y-fa shen freayll e lattyssyn as e annaghyn ta mish dy harey dhyt’s jiu, dy vod oo hene ve maynrey, as dty chloan dty lurg, as dy vod dty laghyn ve foddey beayn ’sy cheer, ta’n Chiarn dty Yee coyrt dhyt.

Deuteronomy 7:12

Shen-y-fa hig eh gy-kione, my eaishtys shiu rish ny briwnyssyn shoh, dy reaylley as dy yannoo ad; dy jean y Chiarn dty Yee freayll rhyt’s yn conaant as y myghin vreear eh da dty ayraghyn.