Deuteronomy 4:8 - Yn Vible Casherick 1775 1819

⁸ As cre’n ashoon ta ayns lheid yn ard foayr, dy vel oc slattyssyn as briwnyssyn cha cairal, as ooilley’n leigh shoh, ta mish dy hoiaghey kiongoyrt riu yn laa t’ayn jiu?

Deuteronomy 4:8 ပူးပေါင်းရင်းမြစ်များ

Nehemiah 9:13

Haink oo neose myrgeddin er slieau Sinai, as loayr oo roo veih niau, as hug oo daue briwnyssyn cairagh, as leighyn firrinagh, slattyssyn mie, as annaghyn:

Psalmyn 119:138

Ny recortyssyn t’ou uss er n’oardaghey: t’ad erskyn-towse cairagh as firrinagh.

Psalmyn 119:144

Ta cairys dty recortyssyn dy bragh farraghtyn: O giall dou tushtey, as bee’m bio.

Psalmyn 119:160

Ta dty ghoo’s firrinagh er-dy-rieau: ta ooilley briwnyssyn dty chairys farraghtyn son dy bragh.

Psalmyn 119:86

Ta ooilley dt’annaghyn firrinagh: t’ad jannoo tranlaase orrym dy aggairagh; O bee uss my niart.

Psalmyn 119:96

Ta mee fakin dy vel jerrey er dy chooilley nhee: agh ta dty annaghyn erskyn-towse lhean.

Psalmyn 89:14

Ta roih niartal ayd: s’lajer ta dty laue’s, as ard ta dty laue yesh.

Psalmyn 97:2

Ta bodjallyn as dorraghys mygeayrt-y-mysh: ta cairys as briwnys coamrey e stoyl-reeoil.

Isaiah 42:21

Ghow yn Chiarn taitnys ayn er graih e ynrickys; ren eh mooar as ooasle jeh liorish e leigh.

Hosea 8:12

Ta mee er scrieu dasyn nheeghyn mooarey my leigh, agh ren ad soiaghey jeu, myr jeh reddyn joarree.

Romanee 3:2

Mooarane er dy chooilley aght: hoshiaght, son dy nee dauesyn v’er ny livrey goo Yee.

Deuteronomy 26:19

As dy hoiaghey oo seose, erskyn ooilley ny ashoonyn t’eh er chroo, ayns moylley, as ayns ennym, as ayns ooashley, dy vod oo ve ny phobble casherick da’n Chiarn dty Yee, myr t’eh er loayrt.