Deuteronomy 4:7 - Yn Vible Casherick 1775 1819

⁷ Son cre’n ashoon ta cha ooasle, ta jee oc cha faggys daue, as ta’n Chiarn y Jee ain dooinyn, ayns dy chooilley nhee, ta shin jannoo aghin er y hon?

Deuteronomy 4:7 ပူးပေါင်းရင်းမြစ်များ

2 Samuel 7:23

As cre’n ashoon shen ’sy theihll ta goll-rish dty phobble, eer goll-rish Israel, adsyn ren Jee y livrey son pobble da hene, dy yannoo da hene ennym gloyroil, as dy yannoo er ny son oc reddyn mooar as atchimagh, son y cheer ayd, roish dty phobble, t’ou er veaysley veih Egypt, veih ny ashoonyn as ny jeeghyn oc?

Psalmyn 145:18

Ta’n Chiarn er-gerrey dauesyn ooilley ta geamagh er: dy jarroo, dauesyn ooilley ta geamagh er ayns ynrickys.

Psalmyn 147:20

Cha vel eh er ghellal myr shoh rish ashoon erbee elley: chamoo t’ec ny ashoonee tushtey jeh e leighyn.

Psalmyn 34:17

Ta’n sleih cairagh jannoo aghin, as ta’n Chiarn cur clashtyn daue: as dy livrey ad ass ooilley nyn seaghyn.

Psalmyn 34:18

Ta’n Chiarn er-gerrey dauesyn ta jeh cree brisht: as sauee eh nyn lheid as ta jeh spyrryd imlee.

Psalmyn 46:1

She Jee nyn dreishteil as niart: cooney feer faggys ayns seaghyn.

Psalmyn 85:9

Son ta e haualtys er-gerrey dauesyn ta goaill aggle roish: dy vod gloyr tannaghtyn ayns y cheer ain.

Isaiah 43:4

Neayr’s v’ou deyr ayns my hilley t’ou er ve onnoroil, as va graih aym ort: shen-y-fa ver-ym deiney ayns coonrey er dty hon, as sleih son dty vioys.

Isaiah 55:6

Shir-jee gys y Chiarn choud’s t’eh ry-gheddyn, eam-jee ersyn choud’s t’eh er-gerrey.

Earrooyn 23:21

Cha surr eh aggair erbee ’ve jeant da Jacob, ny seaghyn dy huittym er Israel: ta’n Chiarn e Yee mârish, as yn coraa dy varriaght reeoil ny-vud oc.

Earrooyn 23:9

Son veih mullagh ny creggyn hee-ym eh, as veih ny croink ta mee fakin eh: cur-my-ner, nee’n pobble cummal orroo hene, as cha bee ad er nyn goontey mastey ny ashoonyn.

Jannoo 17:27

Ad dy hirrey lurg y Chiarn, my haghyragh daue briaght er e hon, as geddyn magh eh, ga nagh vel eh foddey veih dagh unnane ain:

Deuteronomy 26:19

As dy hoiaghey oo seose, erskyn ooilley ny ashoonyn t’eh er chroo, ayns moylley, as ayns ennym, as ayns ooashley, dy vod oo ve ny phobble casherick da’n Chiarn dty Yee, myr t’eh er loayrt.

Deuteronomy 33:29

S’maynrey t’ou, O Israel! quoi ta goll rhyt’s, O phobble ta fo coadey’n Chiarn, eilley-caggee dty chooney, as cliwe dty ard-ooashley! as bee dty noidyn er nyn goyrt foyd, as nee oo stampey er ny ynnydyn ardey oc.

Deuteronomy 4:32

Son jean briaght nish mychione ny laghyn t’er n’gholl shaghey, va roish dty hraa, er-dyn laa chroo Jee dooinney er y thalloo, as veih’n derrey chione jeh’n seihll, gys y chione elley, row rieau lheid y red mooar yindyssagh shoh, ny row clashtyn jeh e lheid?

Deuteronomy 5:26

Son quoi’n dooinney ’sy theihll t’er chlashtyn coraa’n Jee bio, loayrt ass mean yn aile, (myr ta shinyn) as eh ve bio?

Jamys 4:8

Tayrn-jee er-gerrey gys Jee, as tayrnee eshyn er-gerrey diuish: niee-jee nyn laueyn, shiuish pheccee, as glen-jee nyn greeaghyn, shiuish dy aigney ghooble.