Deuteronomy 4:6 - Yn Vible Casherick 1775 1819

⁶ Freill-jee er-y-fa shen, as jean-jee ad y chooilleeney, son shoh vees y chreenaght, as y tushtey eu ayns shilley ny ashoonyn, nee clashtyn ooilley ny slattyssyn shoh, as gra, Dy feer, ta’n ashoon mooar shoh pobble creeney as tushtagh.

Deuteronomy 4:6 ပူးပေါင်းရင်းမြစ်များ

1 Reeaghyn 4:34

As haink sleih veih dy chooilley ard dy eaishtagh rish creenaght Solomon, veih ooilley reeaghyn y thallooin, va er chlashtyn jeh e chreenaght.

Lioar Yob 28:28

As rish dooinney dooyrt eh, Cur-my-ner, aggle y Chiarn, shen ta creenaght; as dy haghney yn olk, shen ta tushtey.

Psalmyn 111:10

Ta aggle y Chiarn toshiaght creenaght: toiggal mie t’ocsyn ooilley ta dy ymmyrkey ad-hene cordail rish; ta’n moylley echey farraghtyn son dy bragh.

Psalmyn 19:7

Ta leigh yn Chiarn ny leigh gyn foill, niartaghey yn annym: ta recortyssyn y Chiarn shickyr, as coyrt creenaght da’n vee-hushtagh.

Psalmyn 19:8

Ta slattyssyn y Chiarn jeeragh, as coyrt boggey da’n chree: ta sarey yn Chiarn ynrick, as coyrt soilshey da ny sooillyn.

Raaghyn Creeney 1:4

Dy choyrt keeayll da’n ôney, da’n dooinney aeg, toiggal as feeudys.

Raaghyn Creeney 1:5

Nee dooinney creeney geaishtagh, as cheet er e hoshiaght ayns ynsagh, as nee dooinney tastagh roshtyn gys coyrleyn creeney.

Raaghyn Creeney 1:7

Ta aggle y Chiarn toshiaght tushtey: agh ta ommydanyn soiaghey beg jeh creenaght, as ynsagh.

Raaghyn Creeney 14:34

Ta cairys niartaghey ashoon: agh ta peccah ny oltooan da pobble erbee.

Raaghyn Creeney 14:8

Ta creenaght yn er tushtagh dy hoiggal e raad: agh ta ommijys ny mee-chrauee, molteyrys.

Isaiah 42:21

Ghow yn Chiarn taitnys ayn er graih e ynrickys; ren eh mooar as ooasle jeh liorish e leigh.

Jeremiah 8:9

Ta ny deiney creeney oc fo nearey, t’ad er choayl nyn dappey as goit ayns ribbey: cur-my-ner, t’ad er hoiaghey beg jeh goo yn Chiarn, as cre’n chreenaght t’ayndoo?

Ezekiel 5:5

Myr shoh ta’n Chiarn Jee dy ghra, She shoh Jerusalem; ta mee er hoiaghey ayns mean ny ashoonyn, as ny cheeraghyn ta mygeayrt-y-mooee.

Daniel 1:20

As ayns dy chooilley chooish dy chreenaght as toiggal, va’n ree briaght jeu, hooar eh ad jeih keayrtyn share na ooilley ny deiney-creeney as rollageydee v’ayns ooilley e reeriaght.

Daniel 4:9

O Velteshazzar, ard-vainshtyr ny deiney-creeney, er-yn-oyr dy vel fys aym, dy vel spyrryd ny flaunyssee noo aynyd’s, as nagh vel folliaght erbee erskyn dty roshtyn, insh dou ashlishyn my ghreamal, ta mee er n’akin, as cre t’er ny hoiggal liorish.

Hosea 8:12

Ta mee er scrieu dasyn nheeghyn mooarey my leigh, agh ren ad soiaghey jeu, myr jeh reddyn joarree.

Malachi 3:12

As nee dy chooilley ashoon genmys shiuish bannit: son bee shiu cheer eunyssagh, ta Chiarn ny flaunyssee dy ghra.

Deuteronomy 29:9

Freill-jee, er-y-fa shen, goan y chonaant shoh, as jean-jee ad, dy vod dy chooilley nhee, ta shiu dy yannoo, cheet lhieu.

Deuteronomy 32:46

As dooyrt eh roo, Soie-jee nyn greeaghyn er ooilley ny goan shoh, ta mee coyrt reue er y laa shoh; ver shiu currym er nyn gloan dy choyrt tastey daue, as dy chooilleeney ooilley goan y leigh shoh.

Deuteronomy 32:47

Son cha nee red fardalagh eh diu: er-yn-oyr dy vel nyn mioys lhie er; son liorish shoh bee ny laghyn eu beayn ’sy cheer, huggey t’ou goll harrish Jordan, dy gheddyn eiraght ayn.

2 Timothy 3:15

As neayr’s v’ou dty lhiannoo dy vel oo er ve ynsit ayns ny scriptyryn casherick, oddys oo y yannoo creeney gys saualtys, trooid credjue ayns Creest Yeesey.

Jamys 3:13

Quoi ta ny ghooinney creeney as tushtagh ny mast’ eu? lhig da soilshaghey, liorish ymmyrkey mie, e obbraghyn ayns y veenid dy chreenaght.