Deuteronomy 4:34 - Yn Vible Casherick 1775 1819

³⁴ Ny vel Jee erbee elley er ghoaill er, dy reih da hene ashoon ass mean ashoon elley, liorish prowallyn, liorish cowraghyn, as mirrilyn, as liorish caggey, as lesh laue niartal, as lesh roih sheeynt magh, as lesh atchimyn mooarey, cordail rish ooilley ny ren y Chiarn nyn Yee er nyn son ayns Egypt, kiongoyrt rish nyn sooillyn?

Deuteronomy 4:34 ပူးပေါင်းရင်းမြစ်များ

Psalmyn 136:12

Lesh laue niartal as roih sheeynit magh: son ta e vyghin farraghtyn son dy bragh.

Psalmyn 24:8

Quoi ta ree ny ghloyr: yn Chiarn eh ta lajer as niartal, yn Chiarn hene niartal ayns caggey.

Psalmyn 78:12

Agh yarrood ad ny v’eh er n’yannoo: as ny obbraghyn yindyssagh v’eh er hoilshaghey er nyn son oc.

Exodus 1:9

As dooyrt eh rish e phobble, Cur-my-ner ta pobble cloan Israel ny shlee, as ny s’pooaral na shinyn.

Exodus 10:21

As dooyrt y Chiarn rish Moses, Sheeyn magh dty laue lesh niau, dy vod dorraghys ’ve harrish cheer Egypt, eer dorraghys dullyr oddys v’er ny ennaghtyn.

Exodus 10:7

As dooyrt fir-oik Pharaoh rish, Caïd vees y dooinney shoh ny ribbeh dooin? lhig y raad da ny deiney, dy vod ad shirveish y Chiarn y Jee oc; nagh vel fys ayd foast, dy vel Egypt mow?

Exodus 13:3

As dooyrt Moses rish y pobble, Cooinee-jee er y laa shoh er haink shiu magh ass Egypt, ass thie ny bondiaght; son lesh laue lajer hug y Chiarn lesh shiuish magh veih’n ynnyd shoh: cha bee soorit erbee er ny ee er.

Exodus 14:30

Shoh myr ren y Chiarn livrey Israel er y laa shen veih laue ny Egyptianee: as honnick Israel ny Egyptianee nyn girp marroo er y traie.

Exodus 15:11

Quoi ta casley rhyt’s, O Hiarn, mastey ny jeeghyn! quoi ta casley rhyt, gloyroil ayns casherickys, ta moylley cair dhyt lesh arrym, uss ta gobbraghey mirrilyn?

Exodus 19:4

Ta shiu er vakin ny ren mee rish ny Egyptianee, as kys dymmyrk mee shiu myr er skianyn urley, as hug mee lhiam shiu er-gerrey dou hene.

Exodus 3:10

Tar nish, er-y-fa shen, as ver-yms oo gys Pharaoh, dy vod oo my phobble cloan Israel y chur lhiat magh ass Egypt.

Exodus 6:6

Shen-y-fa, abbyr rish cloan Israel, Mish y Chiarn, as ver-ym lhiam shiu magh veih fo errey ny Egyptianee, as livrey-ym shiu veih’n bondiaght oc: as lesh roih sheeynt magh, as lesh briwnyssyn trome, ver-ym feaysley diu.

Exodus 7:3

As neem’s cree Pharaoh y chreoghey, as nee’m soilshaghey ymmodee jeh my chowraghyn, as my yindyssyn ayns cheer Egypt.

Isaiah 51:9

Trog ort, trog ort, coamree oo hene lesh niart, O roih’n Chiarn; trog ort, myr ayns ny shenn laghyn, ayns ny sheelogheyn t’er n’gholl shaghey. Nagh nee uss eh t’er chraghey Rahab, as er lhottey yn dragon?

Jeremiah 21:5

As neem’s mee hene caggey nyn ’oï lesh laue sheeynt magh, as lesh roih niartal, eer ayns corree, as ayns elgys, as ayns jymmoose dewil.

Jeremiah 32:21

As t’ou er choyrt lhiat magh dty phobble Israel ass cheer Egypt, lesh cowraghyn, as yindyssyn, as lesh laue niartal, as roih sheeynt magh, as lesh atchim mooar;

Earrooyn 20:16

As tra deïe shin gys y Chiarn, cheayll eh yn coraa ain, as hug eh ainle (veih niau), as t’eh er chur lesh shin magh ass Egypt; as cur-my-ner ta shin ayns Kadesh, ard-valley ayns dty ardjyn sodjey magh.

Deuteronomy 1:30

Nee’n Chiarn y Jee eu, ta goll reue, caggey er nyn son, cordail rish ooilley ny ren eh ayns nyn lieh, ayns Egypt, kiongoyrt rish ny sooillyn eu:

Deuteronomy 10:21

Eshyn dty voylley, as eshyn y Jee ayd, t’er n’yannoo er dty hon ny reddyn mooarey as atchimagh shoh, ta dty hooillyn er vakin.

Deuteronomy 11:2

As toig-jee yn laa jiu: son cha vel mee loayrt rish y chloan eu nagh vel er hoiggal, as nagh vel er vakin smaght y Chiarn nyn Yee, e phooar, e laue niartal, as e roih sheeynt magh,

Deuteronomy 26:8

As hug y Chiarn lesh shin magh ass Egypt, lesh laue niartal, as lesh roih sheeynt magh, lesh atchim mooar, as lesh cowraghyn as lesh mirrilyn.

Deuteronomy 29:3

Ny prowallyn mooarey, ta dty hooillyn er vakin, ny cowraghyn, as ny mirrilyn mooarey shen:

Deuteronomy 33:29

S’maynrey t’ou, O Israel! quoi ta goll rhyt’s, O phobble ta fo coadey’n Chiarn, eilley-caggee dty chooney, as cliwe dty ard-ooashley! as bee dty noidyn er nyn goyrt foyd, as nee oo stampey er ny ynnydyn ardey oc.

Deuteronomy 34:12

As ayns ooilley’n laue pooaral shen, as ayns ooilley ny mirrilyn atchimagh, ren Moses ayns shilley ooilley Israel.

Deuteronomy 5:15

As cooinee, dy row hene dty harvaant ayns cheer Egypt, as dy dug y Chiarn dty Yee lesh oo magh veih shen, lesh laue niartal, as lesh roih sheeynt magh: shen-y-fa hug y Chiarn dty Yee sarey dhyt dy reayll y doonaght.

Deuteronomy 6:21

Dy jir uss eisht rish dty vac, Va shin ayns bondiaght fo Pharaoh ayns Egypt, as hug y Chiarn lesh shin ass Egypt lesh laue niartal:

Deuteronomy 7:19

Ny prowallyn mooarey honnick dty hooillyn, as ny cowraghyn, as ny yindyssyn, as y laue niartal, as y roih sheeynt magh, lhieu ren y Chiarn dty Yee uss y chur lesh magh: y lheid cheddin nee’n Chiarn y Jee ayd’s rish dy chooilley ashoon, roue ta aggle ort.

Deuteronomy 9:29

Ny-yeih dty phobble ad, as dty eiraght hene, hug oo lhiat magh liorish dty phooar niartal, as lesh dty roih sheeynt magh.

Joshua 24:7

As tra deïe ad gys y Chiarn, hug eh dorraghys eddyr shiuish as ny Egyptianee, as hug eh lesh yn aarkey orroo, as choodee eh ad; as ta ny sooillyn eu er vakin ny ren mee ayns Egypt: as ren shiu cummal ayns yn aasagh ry-foddey dy hraa.

1 Peddyr 5:6

Jean-jee shiu hene er-y-fa shen y injillaghey fo laue niartal Yee, dy vod eh shiu y hroggal seose ayns traa cooie;