Deuteronomy 4:30 - Yn Vible Casherick 1775 1819

³⁰ As tra t’ou ayns seaghyn, as tra hig ooilley ny reddyn shoh ort, ayns ny laghyn jerrinagh, my nee oo chyndaa gys y Chiarn dty Yee, as ve biallagh da e choraa:

Deuteronomy 4:30 ပူးပေါင်းရင်းမြစ်များ

Genesis 49:1

As hug Jacob fys er e vec, as dooyrt eh, Tar-jee cooidjagh, dy voddym soilshaghey diu, shen ny ta kiarit dy heet erriu, ayns ny earishyn ta ry-heet.

Nehemiah 1:9

Agh my nee shiu chyndaa hym’s, as freayll my annaghyn, as cooilleeney ad, ga dy beagh paart j’iu eiyrit magh gys ardjyn sodjey magh y theihll, foast neem’s ad y haglym veih shen, as ver-ym lhiam ad gys yn ynnyd ta mee er reih, dy hoiaghey m’ennym ayn.

Psalmyn 107:13

Myr shen tra deïe ad gys y Chiarn ayns nyn seaghyn: livrey eh ad ass nyn jennid.

Psalmyn 107:6

Eisht deïe ad er y Chiarn ayns nyn seaghyn: as livrey eh ad ass nyn jennid.

Psalmyn 18:6

Myr shen clynnee eh my choraa veih e hiamble chasherick: as hig my phlaiynt kiongoyrt rish, hed eh stiagh dy jarroo gys e chleayshyn.

Psalmyn 59:16

Er my hon’s, goym arrane jeh dty phooar, as nee’m dty vyghin y voylley dy leah ’sy voghrey: son t’ou uss er ve my choadey as my chemmyrk ayns laa my heaghyn.

Exodus 18:8

As dinsh Moses da e ayr-’sy-leigh ooilley ny ren y Chiarn rish Pharaoh, as rish ny Egyptianee, er graih Israel, as ooilley’n tooilleil haink orroo er y raad, as kys va’n Chiarn er livrey ad.

Isaiah 1:19

My vees shiu arrymagh as ammyssagh, nee shiu gee jeh foays ny cheerey:

Jeremiah 23:20

Cha jean jymmoose yn Chiarn chyndaa, derrey t’eh jeant magh, as derrey t’eh er chooilleeney smooinaghtyn e chree: ayns ny laghyn jerrinagh bee slane toiggal eu jeh shoh.

Jeremiah 4:1

My hyndaa-ys oo reesht, O Israel, ta’n Chiarn dy ghra, chyndaa hym’s; as my ver oo ersooyl dty pheccaghyn eajee ass my hilley, eisht cha bee oo er dty scughey.

Jeremiah 4:2

As shoh myr nee oo loo y ghoaill, Myr ta’n Chiarn bio, ayns firrinys, ayns briwnys, as ayns ynrickys; as nee ny ashoonyn ad hene y vannaghey aynsyn, as aynsyn nee ad boggyssagh.

Jeremiah 7:23

Agh shoh hug mee er y churrym oc, gra, Cur-jee biallys da my choraa, as beem’s yn Jee euish, as bee shiuish yn pobble aym’s; as jean-jee gimmeeaght ayns ooilley ny raaidyn ta mee er n’oardaghey diu, dy vod eh ve dy mie mêriu.

Dobberan 3:40

Lhig dooin ronsagh as prowal nyn raaidyn, as chyndaa reesht gys y Chiarn.

Daniel 10:14

Nish ta mee er jeet dy hoilshaghey dhyt, cre haghyrys da dty phobble ayns ny laghyn jerrinagh: son ta’n ashlish cour ymmodee laghyn foast ry-heet.

Hosea 3:5

Ny lurg shen nee cloan Israel chyndaa reesht, as shirrey gys y Chiarn nyn Yee, as David nyn ree, as gowee ad aggle roish y Chiarn as e vieys, ayns ny laghyn jerrinagh.

Zechariah 6:15

As hig joarreeyn veih foddey, as troggee ad chiamble y Chiarn, as bee fys euish, dy vel Chiarn ny flaunyssee er my choyrt hiuish. As hig shoh gy-kione, my vees shiu imneagh dy chur biallys da coraa yn Chiarn y Jee eu.

Earrooyn 24:20

As tra yeeagh eh er Amalek, hie eh lesh e choraa-dorraghey, as dooyrt eh, Ta Amalek ayns toshiaght ny ashoonyn, agh bee’n jerrey echey, dy jean eh cherraghtyn son dy bragh.

Jannoo 26:20

Agh hoilshee mee hoshiaght dauesyn v’ayns Damascus, as ec Jerusalem, as trooid ooilley ardjyn Yudea, as eisht da ny Ashoonee, ad dy ghoaill arrys as dy hyndaa gys Jee, as dy chur rish obbraghyn cooie son arrys.

Jannoo 3:19

Gow-jee arrys er-y-fa shen, as chyndaa-jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Deuteronomy 30:10

My eaishtys oo rish coraa’n Chiarn dty Yee, dy reayll e annaghyn, as e lattyssyn, ta scruit ayns lioar y leigh shoh; as my nee oo chyndaa gys y Chiarn dty Yee, lesh ooilley dty chree, as lesh ooilley dty annym.

Deuteronomy 30:2

As oo dy hyndaa gys y Chiarn dty Yee, as biallys y choyrt da e choraa, ayns ooilley ny ta mee sarey dhyt jiu, oo hene, as dty chloan, lesh ooilley dty chree, as lesh ooilley dty annym.

Deuteronomy 31:17

Eisht bee my chorree er ny vrasnaghey nyn ’oï ’sy laa shen, as neem’s ad y hreigeil, as my eddin y hyndaa voue, as bee ad er nyn stroie, as nee ymmodee uilk, as dourinyn tuittym orroo, ayns wheesh as dy jir ad ec y traa shen, Nagh vel ny huilk shoh er jeet orrin, er-yn-oyr nagh vel y Chiarn nyn Yee ny mast’ ain?

Deuteronomy 31:21

As hig eh gy-kione, tra ta ymmodee uilk as seaghyn er duittym orroo, dy jean yn arrane shoh feanish y ymmyrkey nyn ’oï: son cha bee eh er ny yarrood ass beïll y sluight oc: son shione dou cre t’oc ayns nyn smooinaghtyn dy yannoo, eer nish, roish my ta mee er chur lhiam ad gys y cheer yiall mee dy choyrt daue.

Deuteronomy 31:29

Son ta fys aym, lurg my vaase, dy der shiu seose shiu hene dy slane dy chur rish olk, as dy jyndaa shiu dy lhiattee veih’n raad, ta mish er harey diu: as dy berree treihys erriu ayns ny laghyn jerrinagh, er-yn-oyr dy n’eiyr shiu er olk ayns shilley’n Chiarn, dy vrasnaghey eh gys corree, lesh obbyr nyn laueyn.

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phointeil ny eirey er dy chooilley nhee, liorish myrgeddin chroo eh ny seihllyn.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;