Deuteronomy 4:2 - Yn Vible Casherick 1775 1819

² Cha jean shiu nhee erbee y choyrt huggey, ny goaill voish y goo ta mee dy harey diu, dy vod shiu freayll annaghyn y Chiarn nyn Yee, ta mish dy harey diu.

Deuteronomy 4:2 ပူးပေါင်းရင်းမြစ်များ

Psalmyn 78:7

Dy voddagh adsyn tra veagh ad er n’aase seose: yn chooid cheddin y hoilshaghey da nyn gloan;

Raaghyn Creeney 30:6

Ny jean uss nhee erbee noi’n goo echeysyn, er-aggle dy der eh oghsan dhyt, as dy bee oo er dty gheddyn dty vreagerey.

Ecclesiastes 12:13

Lhig dooin clashtyn jerrey’n slane cooish: gow aggle roish Jee, as freill e annaghyn; son shoh slane currym dooinney.

Jeremiah 26:2

Myr shoh ta’n Chiarn dy ghra, Shass ayns cooyrt thie yn Chiarn, as loayr rish ooilley ard-valjyn Yudah, ta cheet dy ooashlaghey ayns thie yn Chiarn, ooilley ny goan, ta mee coyrt er dty churrym dy loayrt roo; ny lhig sheese fockle jeh:

Noo Mian 5:18

Son dy firrinagh ta mee gra riu, Derrey nee yn aer as yn ooir lheïe ersooyl, cha bee un ockle, ny’n floag sloo er ny ghoaill veih’n leigh, derrey vees ooilley jeant mie.

Noo Mian 5:43

Ta shiu er chlashtyn dy row eh er ny ghra, Ver oo graih da dty naboo, as feoh da dty noid.

Galatianee 3:15

My vraaraghyn, ta mee loayrt lurg cliaghtey deiney; My te agh conaant eddyr deiney, ny-yeih, my te confirmit, cha vel dooinney erbee dy vrishey, ny dy choyrt huggey.

Deuteronomy 1:3

As haink eh gy-kione, ’sy da-eedoo vleïn, ’syn un vee yeig, er y chied laa jeh’n vee, dy loayr Moses rish cloan Israel, cordail rish ooilley ny va’n Chiarn er choyrt roish son sarey daue.

Deuteronomy 12:32

Cre-erbee ta mee dy harey diu, gow-jee tastey dy yannoo eh: cha der shiu veg huggey, ny veg y ghoaill veih.

Deuteronomy 13:1

My nee phadeyr [foalsey] ny branlaader ashlishyn troggal ny mast’ eu, as jannoo faishnys jeh cowrey ny yindys ennagh,

Deuteronomy 33:4

Ren Moses leigh y harey dooin; eer eiraght pobble Yacob.

Deuteronomy 4:14

As hug y Chiarn currym orrym ec y traa shen, dy ynsaghey diu slattyssyn as briwnyssyn, dy voddagh shiu ad y reayll ayns y cheer, raad ta shiu goll harrish dy gheddyn eiraght ayn.

Deuteronomy 4:40

Nee oo er-y-fa shen freayll e lattyssyn as e annaghyn ta mish dy harey dhyt’s jiu, dy vod oo hene ve maynrey, as dty chloan dty lurg, as dy vod dty laghyn ve foddey beayn ’sy cheer, ta’n Chiarn dty Yee coyrt dhyt.

Deuteronomy 4:5

Cur-my-ner, ta mee er choyrt reue slattyssyn as briwnyssyn, eer myr ta’n Chiarn my Yee er m’y harey, dy jinnagh shiu nyn lurg ayns y cheer, raad ta shiu goll dy ghoaill possession jeh.

Deuteronomy 5:29

O dy beagh lheid y cree ayndoo, dy goghe ad aggle roym, as dy vreillagh ad ooilley my annaghyn dy kinjagh, dy voddagh ad hene as nyn gloan ve maynrey son dy bragh!

Deuteronomy 5:32

Nee shiuish, er-y-fa shen, kiarail y ghoaill, dy yannoo myr ta’n Chiarn er harey diu: cha jyndaa shiu dy lhiattee gys y laue yesh, ny gys y laue chiare.

Joshua 1:7

Ynrycan bee jeh cree mie as feer dunnal, dy vod oo cur tastey dy yannoo cordail rish ooilley’n leigh hug Moses my harvaant ayns currym dhyt: ny chyndaa veih gys y laue yesh ny gys y laue hoshtal, dy vod oo bishaghey cre-erbee yn raad t’ou goll.

Joshua 8:35

Cha row fockle jeh ooilley ny doardee Moses nagh ren Joshua lhaih kiongoyrt rish slane chaglym-cooidjagh Israel, marish ny mraane, as y chloan, as ny joarreeyn ny-vud oc va jeh’n un chredjue.