Deuteronomy 4:18 - Yn Vible Casherick 1775 1819

¹⁸ Co-chaslys jeh nhee erbee ta snaue er y thalloo, co-chaslys eeast erbee t’ayns ny ushtaghyn fo’n thalloo:

Deuteronomy 4:18 ပူးပေါင်းရင်းမြစ်များ

Genesis 1:21

As ren Jee whaleyn mooarey y chroo, as dy chooilley chretoor bio snauee, ren ny ushtaghyn gymmyrkey magh dy palchey lurg nyn ghooghys, as dy chooilley eean skianagh lurg e ghooghys: as honnick Jee dy row eh mie.

Ezekiel 8:10

Myr shoh hie mee stiagh, as yeeagh mee, as cur-my-ner dy chooilley cho-chaslys jeh reddyn snauee, as maase dwoaiagh, as ooilley jallooyn thie Israel, cowrit er y voalley ooilley mygeayrt.

Deuteronomy 4:17

Co-chaslys baagh erbee t’er y thalloo, co-chaslys eean erbee skianagh ta getlagh ’syn aer,

Deuteronomy 4:19

As er-aggle dy drog oo dty hooillyn lesh yn aer, as tra hee oo yn ghrian, yn eayst, as ny rollageyn, dy jarroo slane sheshaght yn aer, dy bee oo cleaynit dy choyrt ooashley daue, as dy hirveish ad shen, ta’n Chiarn dty Yee er rheynn er dy chooilley ashoon fo niau.