Deuteronomy 4:12 - Yn Vible Casherick 1775 1819

¹² As loayr y Chiarn riuish veih mean yn aile: cheayll shiu coraa ny goan, agh cha vaik shiu caslys erbee, cha geayll shiu agh coraa.

Deuteronomy 4:12 ပူးပေါင်းရင်းမြစ်များ

Exodus 19:9

As dooyrt y Chiarn rish Moses, Cur-my-ner, ta mee cheet hood’s ayns bodjal dorraghey, dy vod y pobble clashtyn, tra ta mee loayrt rhyt, as credjal oo dy kinjagh; As livrey Moses goan y pobble da’n Chiarn.

Exodus 20:22

As dooyrt y Chiarn rish Moses, Myr shoh jir oo rish cloan Israel; ta shiu er vakin dy loayr mee riu veih niau.

Isaiah 30:21

As nee dty chleayshyn clashtyn yn goo cheu dty chooylloo, gra, Shoh’n raad, shooyl-jee ayn, tra ta shiu chyndaa gys y laue yesh, as tra ta shiu chyndaa gys y laue chiare.

Isaiah 40:18

Quoi rish eisht nee shiu Jee y hoylaghey, ny cre’n caslys ver shiu da?

Isaiah 40:3

Yn coraa echeysyn ta geamagh ayns yn aasagh, Jean-jee aarloo raad y Chiarn, kiartee-jee ayns yn eaynagh raad-mooar da’n Jee ain.

Isaiah 40:6

Dooyrt y coraa, Cur eam. As dooyrt eshyn, Cre nee’m geamagh? Dy nee faiyr dy chooilley eill, as dy vel ooilley’n aalid echey myr blaa ny magheragh:

Earrooyn 12:8

Rishyn nee’m loayrt beeal ry beeal, ta shen, dy foshlit: cha nee ayns raaghyn dorraghey; as co-chaslys jeh’n Chiarn ver eh my-ner; cre’n-oyr eisht, nagh row aggle erriu, dy loayrt noi my harvaant Moses?

Noo Mian 17:5

Choud as v’eh foast loayrt, ren bodjal sollys skeayley harrystoo: as cur-my-ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht-jee rishyn.

Noo Mian 3:17

As cur-my-ner, coraa veih niau, gra, Shoh my vac ennoil, jeh ta mee dy mooar soiaghey.

Noo Mian 3:3

Son shoh eshyn va loayrit jeh liorish y phadeyr Esaias, gra, Coraa fer geamagh ayns yn aasagh, Kiartee-jee raad y Chiarn, jean-jee ny cassanyn echey jeeragh.

Deuteronomy 10:4

As scrieu eh er ny buird, cordail rish y chied scrieu, ny jeih annaghyn, loayr y Chiarn riu ’sy chronk, veih mean yn aile, ayns laa yn chaglym-cooidjagh: as hug y Chiarn ad dooys.

Deuteronomy 4:11

As haink shiu er-gerrey, as hass shiu ec cosh y clieau, as va’n slieau lostey lesh aile gys mean yn aer, lesh dorraghys, bodjallyn, as dorraghys dowin.

Deuteronomy 4:13

As hoilshee eh diu e chonaant, doardee eh diu dy chooilleeney, dy jarroo, ny jeih annaghyn, as scrieu eh ad er daa voayrd chloaie.

Deuteronomy 4:15

Jeeagh-jee, er-y-fa shen, dy imneagh diu hene, [son cha vaik shiu monney erbee dy chaslys, er y laa shen loayr y Chiarn riu ayns Horeb, ass mean yn aile]

Deuteronomy 4:33

Ren rieau ashoon clashtyn coraa Yee, loayrt ass mean yn aile, myr t’ou uss er chlashtyn, as ad ve bio?

Deuteronomy 4:36

Veih niau hug eh ort clashtyn e choraa, dy voddagh eh dty ynsaghey: as er y thalloo hoilshee eh dhyt e aile vooar, as cheayll oo e ghoan ass mean yn aile.

Deuteronomy 5:22

Shoh ny goan loayr y Chiarn rish y slane cheshaght eu, er y clieau, ass mean yn aile, y vodjal, as y dorraghys dowin, lesh coraa ard, as cha dug eh veg arragh huc, as scrieu eh ad er daa voayrd chloaie, as livrey eh ad dooys.

Deuteronomy 5:4

Ren y Chiarn taggloo riu eddin ry eddin er y clieau, veih mean yn aile,

Deuteronomy 9:10

As ren y Chiarn livrey hym daa voayrd chloaie, scruit lesh mair Yee, as orroo va scruit rere ooilley ny goan loayr y Chiarn riu ’sy chronk, veih mean yn aile, er laa yn slane chaglym-cooidjagh.

Colossianee 1:15

Eshyn ta co-chaslys yn Jee nagh vod ve er ny akin, yn chied-er-ny-gheddyn jeh dy chooilley chretoor:

Hebrewnee 12:19

As feiyr y chayrn, as coraa ny goan, yn coraa cheddin ren adsyn cheayll eh geearree nagh beagh yn goo er ny loayrt roo er yn aght shen reesht: