Deuteronomy 32:9 - Yn Vible Casherick 1775 1819

⁹ Son lesh y Chiarn e phobble; ta Jacob cronney e eiraght.

Deuteronomy 32:9 ပူးပေါင်းရင်းမြစ်များ

2 Samuel 14:16

Son ver y ree clashtyn, dy livrey e harvaant veih laue’n dooinney baillish mish y stroie as my vac mârym ass eiraght Yee.

2 Samuel 20:19

Ta mish unnane jeusyn ta sheeoil as firrinagh ayns Israel: t’ou shirrey stroie ard-valley, as moir balley ayns Israel: cre’n-fa nee oo sluggey seose eiraght y Chiarn?

1 Reeaghyn 8:51

Son ad dty phobble as dty eiraght, hug oo lhiat magh ass Egypt, veih mean yn choirrey dy yiarn:

1 Reeaghyn 8:53

Son ren oo ad y scarrey veih mastey ooilley pobble y theihll, dy ve dty eiraght, myr loayr oo liorish Moses dty harvaant, tra hug oo lhiat ny ayraghyn ain magh ass Egypt, O HIARN YEE.

Psalmyn 106:40

As livrey eh ad harrish gys laue ny ashoonyn: as v’adsyn va dwoaie oc orroo ny hiarnyn harrystoo.

Psalmyn 106:5

Dy voddym fakin maynrys dty chloan reiht: as boggey ’ghoaill ayns gennallys dty phobble, as booise y choyrt marish dty eiraght.

Psalmyn 135:4

As cre’n-oyr? ta’n Chiarn er reih Jacob da hene: as Israel son e eiraght hene.

Psalmyn 28:9

Yn Chiarn my niart: as eshyn fendeilys slayntoil e er-ooilit.

Psalmyn 33:12

Bannit yn pobble ta’n Jee oc yn Chiarn Jehovah: as bannit ta’n sleih t’eh er reih son e eiraght.

Psalmyn 74:2

O smooinee er dty phobble t’ou er chionnaghey, as er veaysley er-dyn chenn earish.

Psalmyn 78:71

Reih eh myrgeddin David e harvaant: as ghow eh ersooyl eh veih ny bwoailtchyn keyrragh;

Exodus 15:16

Nee aggle as atchim tuittym orroo, liorish niart dty roih cha gleashee ad ny smoo na clagh, derrey hed dty phobble trooid [nyn droailt] O Hiarn, derrey hed y pobble ny hrooid, yn pobble t’ou er chosney [veih Egypt.]

Exodus 34:9

As dooyrt eh, My ta mee nish er gheddyn foayr ayns dty hilley, O Hiarn, lhig da my Hiarn, ta mee guee ort, goll nyn mastey, (ga dy nee pobble creoi-wannallagh ad) as leih dooin nyn loghtyn, as nyn beccaghyn, as gow shin son dty eiraght hene.

Isaiah 19:25

Adsyn nee Chiarn ny flaunyssee bannaghey, gra, Bannit dy row Egypt my phobble, as Assyria obbyr my laueyn, as Israel my eiraght.

Isaiah 34:17

As t’eh er hilgey yn lot orroo, as ta e laue er rheynn shoh orroo liorish line: bee eh oc dy bragh son eiraght, as veih sheeloghe gys sheeloghe nee ad cummal ayn.

Isaiah 43:21

Ta mee er chummey yn pobble shoh dou hene; nee ad my voylley y hoilshaghey magh.

Jeremiah 10:16

Cha vel eiraght Yacob goll roosyn: son she eshyn t’er chiaddey dy chooilley nhee; as ta Israel cronney e eiraght: Chiarn ny sheshaghtyn flaunyssagh yn ennym echey.

Jeremiah 2:7

As hug mee lhiam shiu stiagh gys cheer messoil, dy ee yn mess as y foays echey: agh tra hie shiu stiagh, ren shiu my heer neu-ghlen, as my eiraght ren shiu dwoaiagh.

Jeremiah 51:19

Cha vel Eiraght Yacob goll-roosyn; son she eshyn t’er chroo dy chooilley nhee; as ta Israel cronney e eiraght; Yn Chiarn ny flaunyssee yn ennym echey.

Micah 2:5

Shen-y-fa, cha bee unnane ayd, nee coyrd cronney y hayrn er dty hon’s, ayns co-chruinnaght y Chiarn.

Zechariah 2:12

As nee yn Chiarn goaill huggey hene myr eiraght Judah e chronney ayns y thalloo sheaynt, as gow ee eh reesht Jerusalem myr reih.

Ephesianee 1:18

Liorish sooillyn nyn dushtey v’er ny hoilshaghey; dy vod shiu toiggal cre ta treishteil yn eam echey, as cre ta berchys gloyr e eiraght ayns ny nooghyn,

Deuteronomy 9:29

Ny-yeih dty phobble ad, as dty eiraght hene, hug oo lhiat magh liorish dty phooar niartal, as lesh dty roih sheeynt magh.

Joshua 24:17

Son y Chiarn y Jee ain, eshyn eh hug lesh shinyn as nyn ayraghyn ass cheer Egypt, veih thie ny bondiaght, as ren ny cowraghyn mooarey shen y hoilshaghey ’sy chilley ain, as ren nyn goadey ayns ooilley’n raad ren shin troailt, as mastey ooilley’n pobble ny hrooid oc hie shin.

1 Samuel 10:1

Eisht ghow Samuel boteil dy ooil, as gheayrt eh eh er e chione, as phaag eh eh, as dooyrt eh, Nagh vel eh er-yn-oyr dy vel y Chiarn er dty ooilaghey dy ve captan harrish e eiraght?