Deuteronomy 32:3 - Yn Vible Casherick 1775 1819

³ Choud’s ta mee fockley magh ennym y Chiarn: Cur-jee ooashley ard da’n Jee ain.

Deuteronomy 32:3 ပူးပေါင်းရင်းမြစ်များ

1 Recortyssyn 17:19

O Hiarn, er graih dty harvaant, as cordail rish dty chree hene t’ou uss er n’yannoo ooilley’n obbyr ooasle shoh, ayns soilshaghey ooilley ny reddyn yindyssagh shoh.

1 Recortyssyn 29:10

Shen-y-fa ren David y Chiarn y vannaghey fenish ooilley’n cheshaght: as dooyrt David, Bannit dy row uss, Hiarn Yee Israel nyn ayr, son dy bragh as dy bragh.

1 Recortyssyn 29:11

Lhiat’s, O Hiarn, ta’n vooadys, as y phooar, as y ghloyr, as y varriaght, as yn ooashley: son lhiat’s ta dy chooilley nhee ayns niau as er y thalloo: lhiat’s y reeriaght, O Hiarn, as uss ta erskyn-earroo ard harrish ooilley.

1 Recortyssyn 29:13

Nish er-y-fa shen, nyn Yee, ta shin cur booise dhyt, as ard-voylley da dt’ennym gloyroil.

Psalmyn 150:2

Cur-jee moylley da ayns e obbraghyn ooasle: moylley-jee eh cordail rish e phooar erskyn-earroo.

Exodus 20:24

Altar coirrey nee oo dooys, as er nee oo chebbal dty ourallyn-losht, as dty ourallyn-shee, dty chirree, as dty ghew; ayns dy chooilley ynnyd raad ta m’ennym er ny ooashlaghey, bee’m mayrt, as nee’m dty vannaghey.

Exodus 33:19

As dooyrt eh, Soilshee-yms dhyt ooilley my vieys ayns goll royd, as nee’m fockley magh royd ennym y Chiarn; as beem’s graysoil dauesyn s’gooidsave lhiam ve graysoil, as nee’m myghin y hoilshaghey dauesyn s’gooidsave lhiam myghin y hoilshaghey.

Exodus 6:3

As hoilshee mee mee-hene da Abraham, da Isaac, as da Jacob, liorish ennym yn jee ooilley-niartal, agh liorish my ennym JEHOVAH cha row enney oc orrym.

Jeremiah 10:6

Son wheesh as nagh vel fer erbee casley rhyt’s, O Hiarn; t’ou uss pooaral, as ta dty ennym ard ayns niart.

Jeremiah 23:6

Rish y lhing echeysyn vees Judah er ny hauail, as nee Israel cummal ayns sauchys; as shoh yn ennym vees cowrit er, YN CHIARN YN YNRICKYS AINYN.

Noo Mian 1:23

Cur-my-ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Noo Ean 17:26

As ta mee er hoilshaghey daue dt’ennym’s, as nee’m y hoilshaghey eh: dy vod y graih, liorish t’ou er ve graihagh orrym’s, ve ayndoo, as mish ayndoosyn.

Noo Ean 17:6

Ta mee er hoilshaghey dty ennym gys ny deiney hug oo dou ass y theihll: lhiat’s v’ad, as hug oo ad dooys; as t’ad er vreayll dty ghoo.

Ephesianee 1:19

As cre ta mooads erskyn towse e phooar dooinyn ta credjal, cordail rish bree e phooar niartal;

Deuteronomy 3:24

O Hiarn Yee, t’ou er n’yannoo toshiaght dy hoilshaghey da dty harvaant dty phooar, as dty laue niartal: son quoi’n Jee, edyr ayns niau ny er y thalloo, oddys jannoo cordail rish dty obbraghyn, as cordail rish dty niart?

Deuteronomy 5:24

As dooyrt shiu, Cur-my-ner, ta’n Chiarn y Jee ain er hoilshaghey dooin e ghloyr, as e phooar, as ta shin er chlashtyn e choraa veih mean yn aile: ta shin er vakin jiu, dy vel y Chiarn loayrt rish dooinney, as y dooinney foast bio.

Ashlish 15:3

As ghow ad arrane Voses sharvaant Yee, as arrane yn Eayn, gra, Mooar as mirrilagh ta dty obbraghyn, Hiarn Yee Ooilley-niartal; cairagh as firrinagh ta dty raaidyn, uss Ree nooghyn.