Deuteronomy 30:3 - Yn Vible Casherick 1775 1819

³ Dy jean y Chiarn dty Yee chyndaa dty chappeeys, as bee chymmey echey ort, as nee eh meiyghey, as chaglym shiu ass dy chooilley ashoon, nyn vud ta’n Chiarn dty Yee er dty skeayley.

Deuteronomy 30:3 ပူးပေါင်းရင်းမြစ်များ

Genesis 28:15

As cur-my-ner, ta mish mayrt, as neem’s oo y reayll, ayns dy chooilley ynnyd raad t’ou goll, as ver-ym lhiam oo reesht gys y cheer shoh: son cha dreig-ym oo, derrey vee’m er chooilleeney shen, my-e-chione ta mee er loayrt rhyt.

Genesis 48:21

As dooyrt Israel rish Joseph, Cur-my-ner, ta my vaase er-gerrey: agh bee Jee mêriuish, as ver eh lesh shiu reesht gys cheer nyn ayraghyn.

1 Recortyssyn 16:35

As abbyr-jee, Saue shin, O Yee nyn saualtys, as chaggil shin cooidjagh, as livrey shin veih ny ashoonee, dy vod mayd booise ’choyrt da dty ennym casherick, as boggyssagh ayns dty voylley.

Nehemiah 1:9

Agh my nee shiu chyndaa hym’s, as freayll my annaghyn, as cooilleeney ad, ga dy beagh paart j’iu eiyrit magh gys ardjyn sodjey magh y theihll, foast neem’s ad y haglym veih shen, as ver-ym lhiam ad gys yn ynnyd ta mee er reih, dy hoiaghey m’ennym ayn.

Lioar Yob 42:10

As ren y Chiarn cappeeys Yob y hyndaa, tra ghow eh padjer son e chaarjyn: myrgeddin hug y Chiarn da Job ghaa wheesh as v’echey roïe.

Psalmyn 107:3

As er nyn jaglym ass ny cheeraghyn, veih’n niar, as veih’n neear: veih’n twoaie, as veih’n jiass.

Psalmyn 147:2

Ta’n Chiarn troggal seose Jerusalem: as chaglym cooidjagh kynneeyn skeaylt Israel.

Isaiah 27:12

As hig eh gy-kione ’sy laa shen, dy jean y Chiarn bwoalley mygeayrt veih ammyr ny hawin gys strooan Egypt, as bee shiuish er nyn jaglym, fer as fer, O shiuish chloan Israel.

Isaiah 43:5

Ny bee aggle ort, son ta mee mayrt: ver-yms lhiam dty luight veih’n niar, as chaglym oo veih’n neear;

Isaiah 54:7

Son earish yiare ta mee er dty hreigeil: agh lesh myghinyn mooarey nee’m oo y ghoaill stiagh.

Isaiah 56:8

Ta’n Chiarn Jee, ta chaglym cooidjagh eebyrtee Israel, gra, Foast chagl-yms t’ooilley huggey, mâroosyn ta hannah er jeet stiagh huggey.

Jeremiah 12:14

Shoh myr ta’n Chiarn dy ghra noi ooilley my ghrogh naboonyn, ta jannoo assee er yn eiraght hug mee da my phobble Israel; Cur-my-ner, nee’m ad y astyrt ass y cheer, as livrey-ym thie Yudah veih ny mast’ oc.

Jeremiah 23:3

As nee’m fooilliagh my hioltane y haglym ass dy chooilley heer raad ta mee er n’eiyrt ad, as ver-ym lhiam ad reesht gys nyn mwoailtchyn hene; as bee ad messoil as nee ad bishaghey.

Jeremiah 29:14

As yiow shiu mish foayroil diu, ta’n Chiarn dy ghra; as chyndaa-yms ersooyl yn cappeeys eu, as neem’s shiu y haglym ass dy chooilley ashoon, as veih dy chooilley ynnyd, raad ta mee er n’eiyrt shiu, dooyrt y Chiarn; as ver-ym lhiam shiu reesht gys y voayl veih shen deiyr mee shiu gys cappeeys.

Jeremiah 31:10

Clasht-jee goo yn Chiarn, O shiuish ashoonyn, as jean-jee shoh y hoilshaghey ayns ny hellanyn foddey jeh, as abbyr-jee, Nee eh ren skeayley Israel eshyn y haglym, as nee eh fassaghey eh, myr ta bochilley e hioltane.

Dobberan 3:22

She trooid myghinyn y Chiarn te, nagh vel shin stroit, as nagh vel e hymmey failleil.

Dobberan 3:32

Agh ga dy vel eh seaghney, foast nee eh chymmey ’ghoaill cordail rish earroo e vyghinyn.

Ezekiel 11:17

Shen-y-fa, abbyr uss, Myr shoh ta’n Chiarn Jee dy ghra, Ver-yms lhiam shiu dy jarroo veih mastey yn pobble, as neem’s shiu y haglym ass ny cheeraghyn, raad va shiu er nyn skeayley, as ver-yms diu thalloo Israel.

Ezekiel 36:24

Son goyms shiu veih mastey ny ashoonee, as chaglym shiu ass ooilley ny cheeraghyn, as ver-ym lhiam shiu gys nyn dhalloo hene.

Ezekiel 39:28

Eisht bee fys oc, dy nee mish y Chiarn y Jee oc, hug orroosyn dy gholl ayns cappeeys mastey ny ashoonee: agh ta mee er jaglym ad gys y cheer oc hene, as cha vel mee er vaagail veg jeu ny-sodjey ayns shen.

Micah 7:19

Nee eh chyndaa reesht, nee eh chymmey y ghoaill j’in: ver eh nyn mee-chairys ass e hilley: as nee oo tilgey ooilley ny peccaghyn oc ayns diunid ny marrey.

Zechariah 10:9

Son spreih-ym ad mastey yn pobble: as cooinee ad orrym ayns cheeraghyn joarree, as nee ad beaghey marish nyn gloan, as chyndaa reesht.

Romanee 11:23

As bee adsyn myrgeddin, mannagh vel ad dy kinjagh tannaghtyn ayns mee-chredjue, er nyn soiaghey stiagh: son ta Jee abyl dy hoiaghey ad stiagh reesht.

Romanee 11:26

As myr shen bee ooilley Israel er nyn sauail: myr te scruit, Hig saualtagh ass Sion, as chyndaa-ee eh ersooyl mee-chraueeaght voish Jacob.

Romanee 11:31

Dy jarroo myr shen cha vel ad shoh nish er choyrt biallys, dy vod adsyn neesht trooid y vyghin er ny hoilshaghey diuish myghin y gheddyn.

Deuteronomy 13:17

As cha keill oo veg jeh’n red custey: dy vod y Chiarn dty Yee chyndaa veih dewilys e chorree, as soilshaghey myghin dhyt, as chymmey v’echey ort, as bishaghey oo, myr vreear eh da dty ayraghyn;

Deuteronomy 4:27

As nee’n Chiarn shiu y skeayley dy lhean mastey ny ashoonyn, as cha nhimmey jiu vees faagit, mastey ny ashoonyn, raad nee’n Chiarn geiyrt shiu.