Deuteronomy 3:2 - Yn Vible Casherick 1775 1819

² As dooyrt y Chiarn rhym’s, Ny gow aggle roish: son neem’s eshyn, as ooilley e gheiney, as e heer y livrey gys dty laue, as nee oo rishyn, myr ren oo rish Sihon ree ny Amoriteyn, va cummal ec Heshbon.

Deuteronomy 3:2 ပူးပေါင်းရင်းမြစ်များ

2 Recortyssyn 20:17

Cha bee feme eu builley ’choyrt ’sy chaggey shoh; jean-jee farkiagh, shass-jee raad ta shiu, as cur-jee my-ner saualtys y Chiarn mêriu, O Yudah as Yerusalem, ny bee aggle ny atchim erriu: mairagh gow-jee magh nyn ’oï, son bee’n Chiarn mêriu.

Isaiah 41:10

Ny bee aggle ort, son ta mish mayrt; ny bee lhag-chreeagh, son mish y Jee ayd’s: nee’m dty niartaghey; dy feer, neem’s cooney lhiat; neem’s dy jarroo uss y reir lesh laue yesh my ynrickys.

Isaiah 43:5

Ny bee aggle ort, son ta mee mayrt: ver-yms lhiam dty luight veih’n niar, as chaglym oo veih’n neear;

Earrooyn 14:9

Agh, ny irree-jee magh noi’n Chiarn, chamoo gow-jee aggle roish pobble y cheer; son cha bee ad agh myr greme d’arran dooin; ta’n kemmyrk oc er n’immeeaght voue, as ta’n Chiarn mârin: ny gow-jee aggle roue.

Earrooyn 21:34

As dooyrt y Chiarn rish Moses, Ny gow aggle roish: son ta mish er livrey eh gys dty laue, as ooilley e phobble, as y cheer echey: as nee uss jannoo rishyn myr ren oo rish Sihon ree ny Amoriteyn, va cummal ec Heshbon.

Jannoo 18:9

Eisht loayr y Chiarn ayns ashlish rish Paul ayns yn oie, Ny bee aggle ort, agh loayr magh, as ny bee dty host:

Jannoo 27:24

Gra, Ny bee aggle ort, Phaul; shegin dhyt shassoo fenish Cesar: as cur-my-ner ta Jee er ghiootal ort ooilley adsyn ta shiaulley mayrt.

Deuteronomy 20:3

As jir eh roo, Eaisht, O Israel, ta shiu tayrn yn laa jiu er-gerrey gys caggey noi nyn noidyn; ny caill-jee nyn gree, ny gow-jee aggle, as ny bee-jee er-creau, ny fo atchim erbee kyndagh roo:

Deuteronomy 3:1

Eisht hyndaa shin, as hie shin seose raad Vashan: as haink Og ree Vashan, as ooilley e gheiney magh nyn ’oï, dy chaggey ec Edrei.

Deuteronomy 3:11

Son cha row agh Og ree Vashan er-mayrn jeh sluight ny foawir; cur-my-ner, va e sthoc-lhiabbagh, sthoc-lhiabbagh yiarn: nagh vel eh ayns Rabbath jeh cloan Ammon? va’n lhiurid echey nuy cubityn, as e lheead kiare cubityn, lurg cubit dooinney.

Deuteronomy 3:3

Myr shoh ren y Chiarn nyn Yee rish Og ree Vashan myrgeddin, as ooilley e phobble y livrey gys nyn laue: as woaill shin eh, derrey nagh daag shin veg er-mayrn.

Joshua 10:8

As dooyrt y Chiarn rish Joshua, Ny gow aggle roue; son ta mee er livrey ad gys dty laue; cha shass dooinney jeu royd.

Ashlish 2:10

Ny gow aggle roish veg jeh ny reddyn shen nee oo surranse: cur-my-ner, nee yn drogh-spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver-yms dhyt attey dy vea.