Deuteronomy 3:18 - Yn Vible Casherick 1775 1819

¹⁸ As hug mee currym erriu ec y traa shen, gra, Ta’n Chiarn nyn Yee er choyrt diu yn cheer shoh, dy chummal ayn: hed shiu ooilley ny ta cooie son caggey magh armit, roish nyn mraaraghyn cloan Israel.

Deuteronomy 3:18 ပူးပေါင်းရင်းမြစ်များ

Genesis 15:7

As dooyrt eh rish, Mish y Chiarn, hug lhiam uss magh ass Ur ny Chaldeanee, dy choyrt dhyt’s yn cheer shoh son eiraght.

Psalmyn 136:21

As hug ersooyl yn cheer oc son eiraght: son ta e vyghin farraghtyn son dy bragh;

Earrooyn 33:53

As nee shiu yn cheer y reaghey jeh e chummaltee, as baghey ayn: son ta mish er choyrt diu yn cheer son eiraght.

Deuteronomy 12:1

Ad shoh ny slattyssyn as ny briwnyssyn, vees shiu imneagh dy chooilleeney ayns y cheer ta’n Chiarn Jee dty ayraghyn ry-hoi coyrt dhyt, dy ghoaill possession jeh, ooilley ny laghyn vees shiu bio er y thalloo.

Deuteronomy 15:4

Nagh bee ymmyrchee erbee ny mast’ eu: son nee’n Chiarn dy feoilt oo y vannaghey ’sy cheer ta’n Chiarn dty Yee dy choyrt dhyt son eiraght as cummal:

Deuteronomy 19:14

Cha jean oo scughey cagliagh dty naboo, ren adsyn jeh’n chenn earish y hoiaghey seose ayns shen ny vees ayd’s son eiraght, ’sy cheer ta’n Chiarn dty Yee dy choyrt dhyt’s son dty chummal.

Deuteronomy 19:2

Nee oo soiaghey magh dhyt hene three ard-valjyn ayns mean dty heer, ta’n Chiarn dty Yee dy choyrt dhyt son eiraght.

Deuteronomy 19:7

Shen-y-fa ta mee dy dty harey gra, Ver oo er-lheh dhyt hene three ard-valjyn.

Deuteronomy 21:1

My vees dooinney er ny gheddyn ny lhie marroo ’sy vagher, ayns y cheer ta’n Chiarn dty Yee coyrt dhyt son dty eiraght, as nagh vel fys quoi varr eh:

Deuteronomy 25:19

Shen-y-fa, tra ver y Chiarn dty Yee fea dhyt, veih ooilley dty noidyn er dy chooilley heu, ayns y cheer ta’n Chiarn dty Yee dy choyrt dhyt, son eiraght dy chummal ayn, dy der oo ass cooinaghtyn ennym Amalek dy bollagh fo niau; jeeagh nagh jarrood oo eh.

Deuteronomy 5:31

Agh er dty hon hene, shass uss ayns shoh liorym’s, as ver-ym royd ooilley ny annaghyn, as ny slattyssyn, as ny briwnyssyn nee uss gynsaghey daue, dy vod ad cooilleeney ad, ayns y cheer ta mish dy choyrt daue son eiraght.

Deuteronomy 6:1

Nish shoh ny annaghyn, ny slattyssyn, as ny briwnyssyn, doardee yn Chiarn nyn Yee dy ynsaghey diu, dy reayll ad ’sy cheer ta shiu goll dy chummal ayn:

Deuteronomy 9:6

Toig er-y-fa shen, nagh nee son y chairys ayd hene, ta’n Chiarn dty Yee coyrt eiraght dhyt ’sy cheer mie shoh: son pobble creoi-wannallagh oo.

Joshua 1:11

Gow-jee trooid y champ, as cur-jee currym da’n pobble, gra, Fow-jee aarloo dy chooilley nhee ta ymmyrchagh; son cheu-sthie jeh three laa hed shiu harrish yn Jordan shoh, dy gholl stiagh as dy ghoaill diu hene yn cheer, ta’n Chiarn yn Jee eu dy choyrt diu myr eiraght.