Deuteronomy 3:12 - Yn Vible Casherick 1775 1819

¹² As y cheer shoh, v’ayns nyn gummal ec y traa shen, veih Aroer, ta rish awin Arnon, as lieh chronk Ghilead, lesh ny ard-valjyn echey, hug mee da ny Reubeniteyn, as ny Gaditeyn.

Deuteronomy 3:12 ပူးပေါင်းရင်းမြစ်များ

2 Reeaghyn 10:33

Veih Jordan lesh y shiar, ooilley cheer Ghilead, ny Gaditeyn, as ny Reubeniteyn, as ny Manassiteyn, veih Aroer, (ta liorish awin Arnon,) eer gys Gilead as Bashan.

Earrooyn 32:40

As hug Moses Gilead da Machir mac Vanasseh, as va shen e chummal.

Deuteronomy 2:36

Veih Aroer, ta rish oirr awin Arnon, as veih’n ard-valley ta rish yn awin, eer gys Gilead, cha row ard-valley hene ro lajer er nyn son: ren y Chiarn nyn Yee ooilley y livrey dooin.

Deuteronomy 29:7

As tra haink shiu gys yn ynnyd shoh, haink Sihon ree Heshbon, as Og ree Vashan, magh dy chaggey nyn ’oï, as hooar shin y varriaght orroo:

Deuteronomy 29:8

As ghow shin y cheer oc, as hug shin eh son eiraght da ny Reubeniteyn, as da ny Gaditeyn, as da lieh-tribe Vanasseh.

Deuteronomy 3:13

As y chooid elley jeh Gilead, as ooilley Bashan, va reeriaght Og, hug mee da lieh-tribe Vanasseh; ooilley cheer Argob, lesh slane Bashan, va enmyssit cheer ny foawir.

Deuteronomy 4:48

Veih Aroer, ta rish broogh awin Arnon, eer choud’s cronk Sirion, ta shen Hermon.