Deuteronomy 3:11 - Yn Vible Casherick 1775 1819

¹¹ Son cha row agh Og ree Vashan er-mayrn jeh sluight ny foawir; cur-my-ner, va e sthoc-lhiabbagh, sthoc-lhiabbagh yiarn: nagh vel eh ayns Rabbath jeh cloan Ammon? va’n lhiurid echey nuy cubityn, as e lheead kiare cubityn, lurg cubit dooinney.

Deuteronomy 3:11 ပူးပေါင်းရင်းမြစ်များ

Genesis 14:5

As ayns y chiarroo vleïn jeig haink Chedorlaomer, as ny reeaghyn va mârish, as woaill ad ny Rephaimee ayns Ashtaroth Karnaim, as ny Zuzimee ayns Ham, as ny Emimee ayns Shaveh Kiriathaim.

Jeremiah 49:2

Shen-y-fa, cur-my-ner, ta ny laghyn cheet, ta’n Chiarn gra, dy der-yms er larm-caggee dy ve ry-chlashtyn ayns Rabbah ny Ammoniteyn; as bee eh ny charnane traartagh, as bee ny inneenyn ecksh losht lesh aile: eisht bee Israel ny eirey dauesyn, va ny eiraghyn echeysyn, ta’n Chiarn dy ghra.

2 Samuel 12:26

As va Joab caggey noi Rabbah va jeh cloan Ammon, as ghow eh yn ard-valley reeoil.

Amos 2:9

Ny-yeih stroie mee yn Amorite kiongoyrt roo, va’n yrjid echey myr yrjid ny cedaryn, as v’eh lajer myr y darragh, ny-yeih hug mee naardey e vess veih heose, as ny fraueyn echey veih heese.

Amos 1:14

As neem’s foaddey aile er voalley Rabbah, as nee eh stroie ny plaaseyn echey; lesh yllaghey er laa yn chaggey, lesh dorrin er laa yn gheay-chassee:

Ezekiel 21:20

Jean magh raad, dy vod y cliwe cheet gys Rabbath jeh ny Ammoniteyn, as gys Judah t’ayns Jerusalem yn ard-valley voallit.

2 Samuel 11:1

As haink eh gy-kione ec toshiaght ny bleeaney, yn imbagh ta reeaghyn cliaghtey dy gholl magh dy chaggey, dy dug David magh Joab as e gheiney mârish, as ooilley deiney reiht Israel; as stroie ad cloan Ammon, as chruinnee ad stiagh Rabbah. Agh duirree David ec Jerusalem.

1 Samuel 17:4

As hie champion magh ass camp ny Philistinee, enmyssit Goliath, jeh Gath, va nuy trieyn as reaish er yrjid.

Deuteronomy 2:20

(Va goo ec y cheer shen neesht son foawir, va foawir cummal ayn ’sy chenn earish, as ta ny Ammoniteyn genmys ad Zamzummim;

Deuteronomy 2:11

Va myrgeddin ennym foawir oc, myr ny Anakimee, agh ta ny Moabiteyn genmys ad Emimee.

Ashlish 21:17

As howse eh yn voalley eck shiaght-feed craue-roih as kiare, cordail rish towse dooinney, ta shen, yn ainle.

Joshua 12:4

As ard Og ree Vashan, va jeh sluight ny foawir, va goaill ec Ashtaroth, as ec Edrei,

Joshua 13:12

Ooilley reeriaght Og ayns Bashan, va reill ayns Ashtaroth as ayns Edrei, ooilley ny va er-mayrn jeh sluight ny foawir: son ad shoh ren Moses bwoalley, as geiyrt magh.

Ezekiel 25:5

As ver-yms Rabbah dy ve stabyl son camelyn, as ny Ammoniteyn son ynnyd fynneraght da shioltaneyn: as bee fys eu dy vel mish y Chiarn.

Genesis 6:15

As jeh’n chummey shoh nee oo y yannoo eh: bee lhiurid yn arg three cheead cubit, e lheead jeih cubityn as da-eed, as yn yrjid echey jeih cubityn as feed.