Deuteronomy 27:7 - Yn Vible Casherick 1775 1819

⁷ As nee oo ourallyn-shee y hebbal, as gee ayns shen, as boggey ’ghoaill kiongoyrt rish y Chiarn dty Yee.

Deuteronomy 27:7 ပူးပေါင်းရင်းမြစ်များ

Jannoo 10:36

Yn goo hug Jee gys cloan Israel, preacheil shee liorish Yeesey Creest (eshyn y Chiarn ain ooilley)

Habakkuk 3:18

Ny-yeih neem’s mee hene y gherjaghey ayns y Chiarn, as goym boggey ayns Jee my haualtys.

Isaiah 12:3

Shen-y-fa nee shiu tayrn ushtey lesh boggey ass ny chibbraghyn dy haualtys.

Deuteronomy 12:7

As ayns shen nee shiu gee kiongoyrt rish y Chiarn y Jee eu, as nee shiu boggey ’ghoaill ayns ooilley ny ta shiu coyrt nyn laue huggey, shiu hene as y vooinjer eu, lesh shen ta’n Chiarn dty Yee er dty vannaghey.

Colossianee 1:20

As (myr v’eh er n’yannoo shee trooid fuill e chrosh) liorishyn dy choardail dy chooilley nhee rish hene, liorishyn ta mee gra, edyr ad ve nheeghyn er y thalloo, ny nheeghyn ayns niau.

Philippianee 4:4

Gow-jee boggey ayns y Chiarn dy kinjagh, as reesht ta mee gra, Gow-jee boggey.

Philippianee 3:3

Son ta shinyn yn giarey-chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Romanee 5:10

Son choud as va shin ayns stayd dy noidys, my va shin coardit rish Jee liorish baase e Vac: foddey smoo, myr ta shin nish goit stiagh gys shee, vees mayd er nyn sauail liorish e vioys.

Romanee 5:1

Shen-y-fa er nyn seyrey liorish credjue, ta shee ain rish Jee, trooid nyn Jiarn Yeesey Creest.

Isaiah 61:10

Goyms mooarane boggey ayns y Chiarn, bee my annym gerjoil ayns my Yee: son t’eh er my choamrey lesh ny garmadyn dy haualtys, t’eh er my choodaghey lesh coamrey reeoil dy chairys, myr ta dooinney-poosee soiaghey magh eh-hene lesh coamrey aalin, as myr ta’n ven-phoosee soiaghey magh ee hene lesh e jewellyn.

Isaiah 61:3

Dy chur caghlaa dauesyn ta dobberan ayns Zion, dy choyrt daue aalid son leoie, yn ooil dy yennallys son dobberan, coamrey dy voylley son spyrryd dy hrimshey; dy vod ad ve enmyssit Biljyn dy chairys, Plantal y Chiarn, dasyn dy ve er ny ghloyraghey.

Nehemiah 8:10

Eisht dooyrt eh roo, Immee-jee reue, ee-jee, as iu-jee jeh’n chooid share, as cur-jee ayrn hucsyn ta ayns feme: son ta’n laa shoh casherick gys y Chiarn: chamoo bee-jee trimshagh, son ta boggey’n Chiarn yn niart euish.

Deuteronomy 16:14

As nee oo boggey y ghoaill ayns dty laghyn feailley, uss as dty vac, as dty inneen, as dt’er-mooinjerey, as dt’inney-veyl, as y Levite, as y joarree, as y lhiannoo gyn ayr, as y ven-treoghe, t’er cheu-sthie jeh dty yiattyn.

Deuteronomy 16:11

As nee oo boggey ’ghoaill kiongoyrt rish y Chiarn dty Yee, uss, as dty vac, as dty inneen, as dty er-mooinjerey, ad dty inney-veyl, as y Levite t’er cheu-sthie jeh dty yiattyn, as y joarree, as y lhiannoo gyn ayr, as y ven-treoghe ta ny mast’ eu, ’syn ynnyd nee’n Chiarn dty Yee y reih dy choyrt e ennym ayn.

Deuteronomy 12:12

As nee shiu boggey ’ghoaill kiongoyrt rish y Chiarn nyn Yee, shiu hene, as nyn mec, as nyn inneenyn, nyn fir-vooinjerey, as nyn inneenyn-veyl, as y Levite t’er cheu-sthie jeh dty yiattyn; er-yn-oyr nagh vel echeysyn ayrn ny eiraght erbee mêriu.

Deuteronomy 27:6

Nee oo altar y Chiarn dty Yee y hroggal dy chlaghyn slane: as nee oo ourallyn-losht y hebbal eer gys y Chiarn dty Yee.

Deuteronomy 27:8

As nee oo scrieu er ny claghyn ooilley goan y leigh shoh, dy feer chronnal.