Deuteronomy 27:3 - Yn Vible Casherick 1775 1819

³ As nee oo scrieu orroo ooilley goan y leigh shoh, erreish dhyt v’er n’gholl harrish, dy vod oo goll stiagh ’sy cheer, ta’n Chiarn dty Yee dy choyrt dhyt, cheer ayn ta palchey bainney as mill: myr ta’n Chiarn Jee dt’ayraghyn er yialdyn dhyt.

Deuteronomy 27:3 ပူးပေါင်းရင်းမြစ်များ

Jeremiah 11:5

Dy yannoo mie yn breearrey ren mee rish nyn ayraghyn, dy choyrt daue cheer palchey ayns bainney as mill, myr te er y laa t’ayn jiu. Eisht dreggyr mee, as dooyrt mee, Myr shen dy row, O Hiarn.

Jeremiah 32:22

As t’ou er hoiaghey ad ’sy cheer shoh, ren oo breearrey da nyn ayraghyn dy choyrt daue, cheer palchey ayns bainney as mill;

Leviticus 20:24

Agh ta mee er ghra riu, Nee shiu yn cheer oc y ghoaill son eiraght, as diuish ver-yms eh dy ghoaill eh diu hene; cheer ta palchey ayns bainney as mill: Mish y Chiarn y Jee eu, ta er scarrey shiu veih dy chooilley phobble elley.

Earrooyn 13:27

As hoilshee ad da, as dooyrt ad, Haink shin gys y cheer raad hug oo shin, as son shickyrys te palchey lesh bainney as mill; as shoh’n mess echey.

Earrooyn 14:8

My ta taitnys ec y Chiarn aynin, eisht ver eh lesh shin gys y cheer shoh, as ver eh dooin eh; cheer messoil ayns bainney as mill.

Deuteronomy 26:9

As t’eh er choyrt lesh shin gys yn ynnyd shoh, as er choyrt dooin yn cheer shoh, dy jarroo cheer ta palchey ayns bainney as mill.

Deuteronomy 6:3

Eaisht er-y-fa shen, O Israel, as gow tastey dy yannoo eh, dy vod oo ve maynrey, as dy vod shiu bishaghey dy mooar, myr ta’n Chiarn Jee dty ayraghyn er yialdyn dhyt, ’sy cheer ta palchey ayns bainney as mill.

Deuteronomy 6:8

As nee oo kiangley ad son cowrey er dty laue, as bee ad myr imraa eddyr dty hooillyn.

Hebrewnee 10:16

Shoh yn conaant neem’s y yannoo roo lurg ny laghyn shen, ta’n Chiarn dy ghra, My leighyn ver-yms ayns ny creeaghyn oc, as ayns nyn aignaghyn neem’s ad y scrieu;

Joshua 5:6

Son ren cloan Israel troailt da-eed bleïn ayns yn aasagh, derrey va ooilley yn pobble va deiney caggee, haink magh ass Egypt, marroo, er-yn-oyr nagh dug ad biallys da coraa yn Chiarn: daue shoh ren y Chiarn breearrey nagh jinnagh eh shilley dauesyn jeh’n cheer ren y Chiarn loo da ny ayraghyn oc dy choyrt daue, cheer taal bainney as mill.

Joshua 8:32

As scrieu eh ayns shen er ny claghyn copy jeh leigh Voses, [ny jeih annaghyn,] v’eh er scrieu kionfenish cloan Israel.