Deuteronomy 27:2 - Yn Vible Casherick 1775 1819

² As hig eh gy-kione, tra vees shiu er n’gholl harrish Jordan, gys y cheer ta’n Chiarn dty Yee dy choyrt dhyt, dy jean uss soiaghey seose dhyt claghyn mooarey, as ad y phlastrail harrish.

Deuteronomy 27:2 ပူးပေါင်းရင်းမြစ်များ

Lioar Yob 19:24

Dy beagh ad grainnit lesh pen yiarn as leoaie ayns y chreg er son dy bragh!

Ezekiel 11:19

As ver-ym daue un chree, as neem’s spyrryd noa y choyrt ayndoo; as goyms ersooyl ass nyn eill yn cree cloaie, as ver-ym daue cree foalley.

Ezekiel 36:26

Cree noa myrgeddin ver-yms ayndiu, as spyrryd noa ver-ym er cheu-sthie j’iu, as nee’m goaill ersooyl yn cree cloaie glen ass nyn eill, as ver-ym diuish cree meen-foalley,

Deuteronomy 11:31

Son hed shiu harrish Jordan dy ghoaill possession jeh’n cheer, ta’n Chiarn y Jee euish dy choyrt diu, as bee eh son eiraght diu, as nee shiu cummal ayn.

Deuteronomy 26:1

As shoh myr vees eh, erreish dhyt v’er jeet gys y cheer, ta’n Chiarn dty Yee dy choyrt dhyt son eiraght, as possession ’ve ayd jeh, as cummal ayn:

Deuteronomy 27:1

As doardee Moses, marish ooilley shanstyr Israel, yn pobble, gra Freill-jee ooilley ny oardaghyn ta mish dy harey diu er y laa shoh.

Deuteronomy 27:3

As nee oo scrieu orroo ooilley goan y leigh shoh, erreish dhyt v’er n’gholl harrish, dy vod oo goll stiagh ’sy cheer, ta’n Chiarn dty Yee dy choyrt dhyt, cheer ayn ta palchey bainney as mill: myr ta’n Chiarn Jee dt’ayraghyn er yialdyn dhyt.

Deuteronomy 27:4

Nee shiu, er-y-fa shen, tra ta shiu er n’gholl harrish Jordan, soiaghey seose ny claghyn shoh, ta mee jiu er harey, ayns cronk Ebal, as ad y phlastrail harrish.

Deuteronomy 6:1

Nish shoh ny annaghyn, ny slattyssyn, as ny briwnyssyn, doardee yn Chiarn nyn Yee dy ynsaghey diu, dy reayll ad ’sy cheer ta shiu goll dy chummal ayn:

Deuteronomy 9:1

Eaisht, O Israel, t’ou dy gholl harrish Jordan dy gerrit, ry-hoi goaill possession jeh ashoonyn ny smoo as ny s’pooaral na oo hene, ard-valjyn mooar as voallit dy ard,

Joshua 1:11

Gow-jee trooid y champ, as cur-jee currym da’n pobble, gra, Fow-jee aarloo dy chooilley nhee ta ymmyrchagh; son cheu-sthie jeh three laa hed shiu harrish yn Jordan shoh, dy gholl stiagh as dy ghoaill diu hene yn cheer, ta’n Chiarn yn Jee eu dy choyrt diu myr eiraght.

Joshua 4:1

As haink eh gy-kione, tra va’n slane pobble dy bollagh er gholl harrish Jordan, dy loayr y Chiarn rish Joshua, gra,

Joshua 8:30

Eisht ren Joshua altar y hroggal da’n Chiarn Jee Israel, er cronk Ebal,

Joshua 8:31

Myr va Moses sharvaant y Chiarn er harey da cloan Israel, myr te scruit ayns lioar leigh Voses, Altar dy chlaghyn slane, orroo nagh daink rieau greïe yiarn: as heb ad er ourallyn-losht gys y Chiarn, as ourallyn-shee.

Joshua 8:32

As scrieu eh ayns shen er ny claghyn copy jeh leigh Voses, [ny jeih annaghyn,] v’eh er scrieu kionfenish cloan Israel.