Deuteronomy 26:7 - Yn Vible Casherick 1775 1819

⁷ As tra ren shin gaccan gys y Chiarn Jee nyn ayraghyn, cheayll y Chiarn nyn goraa, as yeeagh eh er nyn seaghyn, y deinys, as y tranlaase ain.

Deuteronomy 26:7 ပူးပေါင်းရင်းမြစ်များ

Genesis 21:17

As cheayll Jee coraa yn ghuilley, as ren ainle Yee geamagh gys Hagar veih niau, as dooyrt eh r’ee, Cre ta jannoo ort, Hagar? ny gow aggle; son ta Jee er chlashtyn coraa yn ghuilley raad t’eh:

Genesis 29:32

As ren Leah gientyn as gymmyrkey mac as denmys ee eh Reuben: son dooyrt ee, Son shickyrys ta’n Chiarn er yeeaghyn er my heaghyn; nish er-y-fa shen, ver my heshey graih dou.

2 Samuel 16:12

Foddee dy jean y Chiarn jeeaghyn er my hrimshey, as dy der y Chiarn cooilleeney mie dou son y ghweeaghyn echeysyn er y laa shoh.

Psalmyn 119:132

O jeeagh orrym, as bee myghinagh dou: myr boallagh oo jannoo roosyn ta graihagh er dt’ennym.

Psalmyn 31:8

Bee’m gennal, as nee’m boggey ’ghoaill ayns dty vyghin: son t’ou er choyrt tastey da my heaghyn, as er chooinaghtyn er my annym ayns treihys.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Exodus 2:23

As haink eh gy-kione lurg traa, dy dooar ree Egypt baase, as ren cloan Israel osnaghey dy trome kyndagh rish y vondiaght, as ren ad geam; as hie’n eam oc seose gys Jee, kyndagh rish y vondiaght.

Exodus 2:25

As yeeagh Jee er cloan Israel, as va chymmey ec Jee orroo.

Exodus 3:9

Shen-y-fa nish, cur-my-ner, ta eam cloan Israel er jeet hym’s: as ta mee myrgeddin er vakin y tranlaase, ta ny Egyptianee er n’yannoo orroo.

Exodus 4:31

As ren y pobble credjal: as tra cheayll ad dy row yn Chiarn er yeeaghyn er cloan Israel, as dy row eh er vakin yn seaghyn oc, eisht chroym ad nyn ghing, as ren ad ooashlaghey.

Exodus 6:5

As ta mee myrgeddin er chlashtyn osnaghyn chloan Israel, ta ny Egyptianee freayll fo bondiaght: as ta mee er chooinaghtyn er my chonaant.

Jeremiah 33:2

Myr shoh ta’n Chiarn dy ghra, ren y seihll y chroo, yn Chiarn ren eh y chummey, as soiaghey magh eh; ta’n Chiarn yn ennym echey;

1 Samuel 9:16

Mairagh, mysh y traa shoh, ver-yms hood dooinney ass cheer Venjamin; as nee oo eshyn y ooilaghey dy ve captan er my phobble Israel, dy vod eh sauail my phobble ass laue ny Philistinee: son ta mee er yeeaghyn er my phobble, er-yn-oyr dy vel yn accan oc er jeet kiongoyrt rhym.