Deuteronomy 26:5 - Yn Vible Casherick 1775 1819

⁵ As nee oo loayrt, as gra fenish y Chiarn dty Yee, Syrian, ayns gaue baaish, va m’ ayr, as hie eh sheese gys Egypt, as chum eh er e yoarreeaght ayns shen, lesh beggan ayns earroo, as haink eh dy ve ashoon mooar, niartal, as ymmodee.

Deuteronomy 26:5 ပူးပေါင်းရင်းမြစ်များ

Genesis 12:2

As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.

Genesis 24:4

Agh hed oo gys my heer hene, as gys my chynney, as gowee oo ben da my vac Isaac.

Genesis 25:20

As va Isaac da-eed bleïn dy eash, tra phoose eh Rebekah, inneen Vethuel yn Syrian jeh Padan-aram, shuyr Laban y Syrian.

Genesis 27:41

As va dwoaie ec Esau er Jacob, kyndagh rish y bannaght, lesh va e ayr er vannaghey eh: as dooyrt Esau ayns e chree, Ta laghyn dobberan son my ayr er-gerrey, eisht marr-ym my vraar Jacob.

Genesis 28:5

As hug Isaac Jacob ersooyl, as hie eh gys Padan-aram, gys Laban, mac Vethuel yn Syrian, braar Rebekah, moir Yacob as Esau.

Genesis 31:20

As chossyn Jacob ersooyl, gyn-yss da Laban yn Syrian, liorish nagh dinsh eh da dy row eh dy gholl roish.

Genesis 31:24

As haink Jee gys Laban yn Syrian, ayns dreamal ’syn oie, as dooyrt eh rish, Jeeagh, nagh loayr oo rish Jacob edyr mie ny sie.

Genesis 31:40

Shoh myr va my vea; ayns y laa, ren y chiass m’y choyrt naardey, as y rio, ’syn oie: as s’beg y chadley haink er my hooillyn.

Genesis 43:12

As gow-jee ghaa wheesh dy argid ayns nyn laue, as yn argid v’er ny choyrt lesh reesht ayns beeal ny saick eu, cur-jee lhieu eh reesht ayns nyn laue, foddee dy nee marranys ve.

Genesis 45:11

As ayns shen neem’s oo y veaghey, (son ta foast roïn queig bleeaney dy ghenney) er-aggle dy jig oo hene, as lught dty hie, as ooilley ny t’ayd gys boghtynid.

Genesis 45:7

As hug Jee mish reueish, dy reaylley diu sluight er y thalloo, as dy hauail nyn mioys liorish livrey-ys yindyssagh.

Genesis 46:27

As mec Yoseph, va ruggit da ayns Egypt, va daa phersoon: va ooilley ny persoonyn jeh thie Yacob haink gys Egypt, three-feed as jeih.

Genesis 47:27

As ren Israel cummal ayns cheer Egypt, ayns thalloo Ghoshen; as va cummallyn oc ayn, as ghow ad toshiaght, as ren ad bishaghey erskyn towse.

Genesis 47:4

Dooyrt ad ny sodjey rish Pharaoh, Dy chummal [son traa] ayns y cheer ta shin er jeet: son cha vel pastyr erbee ec dty harvaantyn son ny shioltaneyn oc, son ta’n ghortey trome ayns cheer Chanaan: nish er-y-fa shen, ta shin guee ort, lhig da dty harvaantyn cummal ayns thalloo Ghoshen.

Exodus 1:12

Agh myr smoo v’ad freilt fo, wheesh shen smoo vishee ad, as daase ad ayns earroo. As v’ad seaghnit mychione cloan Israel.

Exodus 1:5

As va ooilley ny anmeenyn haink veih meeghyn Yacob, three-feed as jeih: son va Joseph hannah ayns Egypt.

Exodus 1:7

As va cloan Israel sluightoil, as ren ad bishaghey dy mooar, as daase ad ayns earroo, as haink ad dy ve erskyn-towse pooaral: as lhieen ad y cheer.

Hosea 12:12

As ren Jacob chea gys cheer Syria, as ren Israel failley eh-hene son ben, as son ben v’eh ny vochilley keyrragh.

Hosea 12:13

As liorish phadeyr hug y Chiarn lesh Israel magh ass Egypt, as liorish phadeyr v’eh er ny choadey.

Jannoo 7:15

As hie Jacob sheese gys Egypt, as hooar eh baase, eh-hene as nyn shenn-ayryn,

Deuteronomy 1:10

Ta’n Chiarn nyn Yee er vishaghey shiu, as cur-my-ner, ta shiu yn laa jiu, myr rollageyn yn aer ayns earroo.

Deuteronomy 10:22

Hie dty ayraghyn sheese gys Egypt lesh three-feed as jeih persoonyn, as nish ta’n Chiarn dty Yee er dty vishaghey myr rollageyn yn aer ayns earroo.

Deuteronomy 26:4

As gowee’n saggyrt yn vaskad ass dty laue, as soiaghey eh kiongoyrt rish altar y Chiarn dty Yee.

Deuteronomy 7:7

Cha nee son dy row shiuish ny shlee ayns earroo, dy hoie yn Chiarn e ghraih erriu, ny dy ren eh nyn reih (son va shiuish yn ashoon by-loo jeh dy chooilley ashoon)