Deuteronomy 26:3 - Yn Vible Casherick 1775 1819

³ As hed oo gys y taggyrt vees ayns ny laghyn shen, as jir oo rish, Ta mee goaill-rish jiu gys y Chiarn my Yee, dy vel mee er roshtyn gys y cheer, ren y Chiarn breearrey da nyn ayraghyn, dy choyrt dooinyn.

Deuteronomy 26:3 ပူးပေါင်းရင်းမြစ်များ

Genesis 17:8

As ver-yms dhyt’s, as da dty luight dty yeï, yn cheer raad t’ou dty yoarree, ooilley cheer Chanaan, son cummal foddey beayn; as beem’s yn Jee oc.

Genesis 26:3

Cum ’sy cheer shoh, as beem’s mayrt, as nee’m uss y vannaghey: son dhyt’s, as da dty luight ver-yms ooilley ny cheeraghyn shoh, as neem’s cooilleeney yn breearrey, loo mee da Abraham dty ayr.

Deuteronomy 1:8

Cur-my-ner, Ta mee er choyrt y cheer kiongoyrt riu: immee-jee stiagh, as gow-jee yn cheer, vreear y Chiarn da nyn ayraghyn, Abraham, Isaac, as Jacob, dy choyrt dauesyn, as da nyn sluight nyn yeï.

Deuteronomy 19:17

Eisht nee’n daa ghooinney, ta’n streeu eddyr ad, shassoo kionfenish y Chiarn, kiongoyrt rish ny saggyrtyn, as ny briwnyn vees ayns ny laghyn shen.

Deuteronomy 26:2

Dy gow oo toshiaght ny chied-vessyn jeh dty halloo, ta’n Chiarn dty Yee dy choyrt dhyt, as ver oo eh ayns baskad, as hed oo gys yn ynnyd, nee’n Chiarn dty Yee y reih, dy chur e ennym ayn.

Deuteronomy 26:4

As gowee’n saggyrt yn vaskad ass dty laue, as soiaghey eh kiongoyrt rish altar y Chiarn dty Yee.

Hebrewnee 10:21

As dy vel ain ard-saggyrt harrish lught-thie Yee;

Hebrewnee 13:15

Liorishyn er-y-fa shen lhig dooin dy kinjagh chebbal gys Jee oural dy voylley, ta shen, mess nyn meillyn, coyrt booise da e ennym.

Hebrewnee 7:26

Son va lheid yn ard-saggyrt shoh cooie er nyn son, ta casherick, gyn loght, glen, scarrit voish peccee, as jeant ny syrjey na ny niaughyn;

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.