Deuteronomy 26:2 - Yn Vible Casherick 1775 1819

² Dy gow oo toshiaght ny chied-vessyn jeh dty halloo, ta’n Chiarn dty Yee dy choyrt dhyt, as ver oo eh ayns baskad, as hed oo gys yn ynnyd, nee’n Chiarn dty Yee y reih, dy chur e ennym ayn.

Deuteronomy 26:2 ပူးပေါင်းရင်းမြစ်များ

2 Reeaghyn 4:42

As haink dooinney veih Baal-shalisha, as hug eh lesh arran gys y dooinney dy Yee jeh ny chied-vessyn, feed bwilleen oarn, as jeeassyn creen dy arroo ayns poagey. As dooyrt eh, Cur da’n phobble, dy vod ad gee.

2 Recortyssyn 31:5

As cha leah’s haink y sarey magh, hug cloan Israel lhieu ayns palchey ny chied-vessyn jeh’n arroo, feeyn, ooil, as mill, as jeh ooilley mess y vagher, as y jaghee jeh dy chooilley nhee hug ad lhieu stiagh ayns palchey.

2 Recortyssyn 6:6

Agh ta mee er reih Jerusalem, dy vod m’ennym ve ayns shen, as er reih David dy ve harrish my phobble Israel.

Nehemiah 12:44

Ec y traa shen, va paart pointit harrish ny shamyryn, son ny tashtaghyn, son ny chebballyn, son ny chied-vessyn, as son ny jagheenyn, dy haglym stiagh ayndoo ass magheryn ny ard-valjyn, ny keeshyn cordail rish y leigh, da ny saggyrtyn as Leviteyn: son ghow Judah boggey jeh ny saggyrtyn as Leviteyn ny shirveishee.

Nehemiah 13:31

As dy ghoaill kiarail son yn oural-fuygh ec earishyn pointit, as son ny chied-vessyn. Cooinee orrym, O my Yee, son mie.

Exodus 20:24

Altar coirrey nee oo dooys, as er nee oo chebbal dty ourallyn-losht, as dty ourallyn-shee, dty chirree, as dty ghew; ayns dy chooilley ynnyd raad ta m’ennym er ny ooashlaghey, bee’m mayrt, as nee’m dty vannaghey.

Exodus 22:29

Cha lhig oo shaghey dy hebbal yn chied-vess jeh dty arroo creen, as y chied-lhiggey jeh dty ghoagh-feeyney: yn er shinney jeh dty vec ver oo dooys.

Exodus 23:16

As feailley ny fouyr, yn chied-vess jeh dty laboraght, t’ou er chuirr ’sy vagher: as feailley yn chur-stiagh, ta jerrey ny bleeaney, tra t’ou er choyrt stiagh dty hroar ass y vagher.

Exodus 23:19

Toshiaght yn chied-vess jeh dty halloo ver oo lhiat stiagh gys thie’n Chiarn dty Yee. Cha jean oo mannan y vroie ayns bainney e vayrey.

Exodus 34:26

Toshiaght y chied-vess jeh dty halloo ver oo lhiat stiagh gys thie’n Chiarn dty Yee. Cha jean oo mannan y vroie ayns bainney e vayrey.

Jeremiah 2:3

Va Israel casherickys gys y Chiarn, as yn chied-vess jeh e vishaghey: adsyn ooilley ta dy stroie eh, bee ad foiljagh; hig olk orroo shen, ta’n Chiarn dy ghra.

Ezekiel 20:40

Son er my lieau’s casherick, ayns yrjid slieau Israel, ta’n Chiarn Jee dy ghra, ayns shen nee slane lught-thie Israel, veih dy chooilley ashoon, mish y hirveish: shen y raad neem’s soiaghey j’iu, as shen y raad goym’s rish nyn ourallyn, as y chied-vess jeh nyn jebballyn, marish ooilley nyn nheeghyn casherick.

Ezekiel 44:30

As y toshiaght jeh dy chooilley chied-vess jeh dy chooilley nhee, as dagh chebbal jeh’n slane jeh dy chooilley cheint jeh nyn jebballyn, bee shen lesh ny saggyrtyn: as ver shiu myrgeddin da’n taggyrt toshiaght nyn arroo-arran, dy vod eshyn cur er yn bannaght dy hannaghtyn ayns dty hie.

Ezekiel 48:14

As cha jig lhieu veg jeh y chreck, chamoo y choonrey, ny foast dy choyrt er-gioal toshiaght messyn y cheer: son ta shen casherick gys y Chiarn.

Leviticus 2:12

Agh son yn oural jeh toshiaght ny messyn, nee shiu chebbal ad gys y Chiarn: agh cha bee ad er nyn lostey er yn altar, son soar millish.

Leviticus 2:14

As my t’ou chebbal oural-arran jeh toshiaght dty vessyn da’n Chiarn, nee oo chebbal, son yn oural-arran jeh dty chied-vessyn, jeeassyn glass dy arroo, chyrmit rish yn aile, eer arroo bwoailt magh ass jeeassyn lane.

Romanee 11:16

Nish my ta’n chied-vess casherick, ta’n slane myrgeddin casherick: as my ta’n fraue casherick, myr shen ta ny banglaneyn.

Romanee 16:5

Bannee-jee myrgeddin ny Creesteenyn t’ayns y thie oc. Bannee-jee my charrey graihagh Epenetus, yn chied-vess dy Chreest ayns Achaia.

Romanee 8:23

As cha nee adsyn ny-lomarcan, agh shin hene myrgeddin, ainyn ta’n chied-vess jeh’n Spyrryd, dy jarroo ta shinyn shin hene osnaghey cheu-sthie j’in hene, farkiagh son y doltanys, ta shen, livrey-ys nyn gallinyn.

1 Corinthianee 15:20

Agh nish ta Creest er n’irree veih ny merriu, as er jeet dy ve yn chied-vess jeusyn ren cadley.

1 Corinthianee 15:23

Agh dy chooilley ghooinney ayns e choorse hene: Creest yn chied-vess; ny lurg shen adsyn ta lesh Creest, ec y cheet echey.

1 Corinthianee 16:2

Er y chied laa jeh’n chiaghtin, lhig dagh unnane eu coyrt dy lhiattee ayns stoyr, myr ta Jee er vannaghey eh, nagh bee feme chaglym y yannoo tra hig-ym.

Deuteronomy 16:10

As nee oo freayll feailley ny shiaghtinyn gys y Chiarn dty Yee, lesh keesh dy oural-arryltagh dty laue, nee oo y choyrt da’n Chiarn dty Yee, rere myr ta’n Chiarn dty Yee dy dty vannaghey.

Deuteronomy 18:4

Yn chied-vess myrgeddin jeh dty arroo, jeh dty feeyn, as jeh dty ooil, as y chied loamrey jeh dty chirree ver oo da.

Deuteronomy 26:1

As shoh myr vees eh, erreish dhyt v’er jeet gys y cheer, ta’n Chiarn dty Yee dy choyrt dhyt son eiraght, as possession ’ve ayd jeh, as cummal ayn:

Deuteronomy 26:3

As hed oo gys y taggyrt vees ayns ny laghyn shen, as jir oo rish, Ta mee goaill-rish jiu gys y Chiarn my Yee, dy vel mee er roshtyn gys y cheer, ren y Chiarn breearrey da nyn ayraghyn, dy choyrt dooinyn.

Jamys 1:18

Jeh e aigney hene ren eh shinyn y gheddyn, liorish goo ny firrinys, dy voddagh shin ve myr ny chied-vessyn jeh e chretooryn.

Joshua 18:1

As va slane sheshaght cloan Israel er nyn jaglym cooidjagh ec Shiloh, as hoie ad seose y chabbane-agglish ayns shen. As va’n slane cheer lhieu hene.

Ashlish 14:4

Shoh ad nagh row er n’yannoo peccah rish mraane; son moidynyn ad: shoh ad ta geiyrt da’n Eayn raad erbee dy jed eh: v’ad shoh er nyn gosney veih mastey deiney, myr v’ad ny chied messyn da Jee as da’n Eayn.