Deuteronomy 26:1 - Yn Vible Casherick 1775 1819

¹ As shoh myr vees eh, erreish dhyt v’er jeet gys y cheer, ta’n Chiarn dty Yee dy choyrt dhyt son eiraght, as possession ’ve ayd jeh, as cummal ayn:

Deuteronomy 26:1 ပူးပေါင်းရင်းမြစ်များ

Earrooyn 15:18

Loayr rish cloan Israel, as abbyr roo, Tra hig shiu ayns y cheer huggey ver-ym lhiam shiu,

Earrooyn 15:2

Loayr rish cloan Israel, as abbyr roo, Tra vees shiu er jeet ayns cheer nyn eiraght, ta mish kiarail dy choyrt diu.

Deuteronomy 13:1

My nee phadeyr [foalsey] ny branlaader ashlishyn troggal ny mast’ eu, as jannoo faishnys jeh cowrey ny yindys ennagh,

Deuteronomy 13:9

Agh ver oo, son shickyrys, dy baase eh; dty laue hene vees hoshiaght er, dy choyrt eh gy-baase, as eisht laue ooilley yn pobble.

Deuteronomy 17:14

Tra vees oo er jeet gys y cheer ta’n Chiarn dty Yee dy choyrt dhyt, as tra vees oo ayns possession jeh, as cummal ayn, as oo dy ghra, Soie-ym seose ree harrym, myr t’ec ooilley ny ashoonyn ta mygeayrt-y-moom:

Deuteronomy 18:9

Tra vees oo er jeet gys y cheer ta’n Chiarn dty Yee er choyrt dhyt, cha n’ynsee oo dy yannoo lurg cliaghtaghyn eajee ny ashoonyn shen.

Deuteronomy 19:10

Nagh bee fuill neu-chyndagh er ny gheayrtey ’sy cheer ta’n Chiarn dty Yee dy choyrt dhyt son eiraght, myr shoh nagh bee loght fuill ort.

Deuteronomy 19:3

Nee oo raad-mooar y yannoo, as rheynn ardjyn dty heer (ta’n Chiarn dty Yee dy choyrt dhyt son eiraght) ayns three ayrnyn, dy vod dy chooilley varrooder cosney huc.

Deuteronomy 25:19

Shen-y-fa, tra ver y Chiarn dty Yee fea dhyt, veih ooilley dty noidyn er dy chooilley heu, ayns y cheer ta’n Chiarn dty Yee dy choyrt dhyt, son eiraght dy chummal ayn, dy der oo ass cooinaghtyn ennym Amalek dy bollagh fo niau; jeeagh nagh jarrood oo eh.

Deuteronomy 26:2

Dy gow oo toshiaght ny chied-vessyn jeh dty halloo, ta’n Chiarn dty Yee dy choyrt dhyt, as ver oo eh ayns baskad, as hed oo gys yn ynnyd, nee’n Chiarn dty Yee y reih, dy chur e ennym ayn.

Deuteronomy 4:21

Marish shoh, va’n Chiarn corree rhym’s kyndagh riuish, as vreear eh, nagh raghin harrish Jordan, as nagh row mee dy roshtyn gys y cheer mie shen, ta’n Chiarn dy choyrt dhyt’s son eiraght.

Deuteronomy 5:31

Agh er dty hon hene, shass uss ayns shoh liorym’s, as ver-ym royd ooilley ny annaghyn, as ny slattyssyn, as ny briwnyssyn nee uss gynsaghey daue, dy vod ad cooilleeney ad, ayns y cheer ta mish dy choyrt daue son eiraght.

Deuteronomy 7:1

Erreish da’n Chiarn dty Yee v’er choyrt lesh oo stiagh gys y cheer shen ta kiarit dhyt son eiraght, as erreish dhyt v’er n’eiyrt magh royd ymmodee ashoonyn, ny Hittiteyn, as ny Girgashiteyn, as ny Amoriteyn, as ny Canaaniteyn, as ny Perizziteyn as ny Hiviteyn, as ny Jebusiteyn, shiaght ashoonyn ny smoo as ny s’pooaral na oo hene;