Deuteronomy 24:4 - Yn Vible Casherick 1775 1819

⁴ Cha vod e chied dooinney, hug ee ersooyl, goaill ee reesht dy ve son ben da, lurg j’ee ve fo yn lhiettal shoh: son ta shen eajee kiongoyrt rish y Chiarn, as cha dayrn oo peccah er y cheer, ta’n Chiarn dty Yee dy choyrt dhyt son eiraght.

Deuteronomy 24:4 ပူးပေါင်းရင်းမြစ်များ

Jeremiah 3:1

Jir ad, My ta dooinney scarrey rish e ven, as ee dy gholl voish, as cheet dy ve ben da fer elley, jean eh reesht goaill r’ee? nagh bee’n cheer shen fo loght neu-ghlennid? agh t’ou uss er n’yannoo oainjyrys rish maarderagh ny ghaa; ny-yeih chyndaa reesht hym’s, ta’n Chiarn dy ghra.

Deuteronomy 20:16

Agh jeh ard-valjyn y pobble shoh, ta’n Chiarn dty Yee dy choyrt dhyt son eiraght, cha jean oo sauail bio cretoor dy vel ennal ayn:

Deuteronomy 24:3

As mannagh my-haittin lesh y dooinney s’jerree ee, as eh dy choyrt screeuyn-scarree jee ayns e laue, as chyndaa ee ass e hie, ny my yiow’n dooinney s’jerree baase, ghow ee son ben;

Deuteronomy 4:21

Marish shoh, va’n Chiarn corree rhym’s kyndagh riuish, as vreear eh, nagh raghin harrish Jordan, as nagh row mee dy roshtyn gys y cheer mie shen, ta’n Chiarn dy choyrt dhyt’s son eiraght.