Deuteronomy 24:2 - Yn Vible Casherick 1775 1819

² As tra t’ee scarrey rish e hie, foddee ee goll, as ve son ben da dooinney elley.

Deuteronomy 24:2 ပူးပေါင်းရင်းမြစ်များ

Ezekiel 44:22

Chamoo nee ad goaill son nyn mraane-sheshey ben-treoghe, ny unnane scarrit, agh gowee ad moidynyn jeh sluight thie Israel, ny ben-treoghe saggyrt.

Leviticus 21:14

Ben-treoghe, ny ben scarrit, ny dy ghrogh ghoo, ny streebagh, ad shoh cha jean eh goaill: agh gowee eh moidyn jeh e phobble hene son ben.

Leviticus 21:7

Cha jean ad goaill ben ta ny streebagh, ny dy ghrogh ghoo; chamoo nee ad goaill ben ta scarrit veih e sheshey; son t’eh casherick gys e Yee.

Leviticus 22:13

Agh my ta inneen y taggyrt ny ben-treoghe, ny scarrit, as nagh vel lhiannoo eck, as er jyndaa reesht gys thie e ayrey, myr ayns yn aegid eck, nee ish gee jeh bee e ayrey; agh cha jean joarree erbee gee jeh.

Earrooyn 30:9

Agh nee breearrey dy chooilley ven-treoghe, as breearrey ben scarrit, lesh t’ad er chiangley ad hene, shassoo mie.

Noo Mian 5:32

Agh ta mish gra riu, Quoi-erbee scarrys rish e ven, agh son oyr maarderys, dy vel eh cur urree poosey y vrishey: as quoi-erbee phoosys ish ta scart, t’eh ny vaarderagh.

Noo Mark 10:11

As dooyrt eh roo, Quoi-erbee scarrys rish e ven, as phoosys ben elley, t’eh brishey poosey n’oï eck.

1 Corinthianee 7:15

Agh my ta eshyn nagh vel jeh’n chredjue son scarrey, lhig da goll. Cha vel braar ny shuyr fo kiangley ayns lheid ny cooishyn: agh ta Jee er n’eamagh orrin gys shee.

Deuteronomy 24:1

Tra ta dooinney er phoosey ben, as my te myr shen nagh my-haittin lesh ee, er-yn-oyr dy vel eh er gheddyn neu-ghlennid ennagh aynjee: eisht lhig da screeuyn-scarree ’yannoo, as y choyrt jee eh ny laue, as chyndaa ee magh ass e hie.

Deuteronomy 24:3

As mannagh my-haittin lesh y dooinney s’jerree ee, as eh dy choyrt screeuyn-scarree jee ayns e laue, as chyndaa ee ass e hie, ny my yiow’n dooinney s’jerree baase, ghow ee son ben;