Deuteronomy 22:9 - Yn Vible Casherick 1775 1819

⁹ Cha jean oo dty gharey-feeyney y chuirr lesh caghlaaghyn rass kione-y-cheilley; nagh bee dty rass t’ou er chuirr, as mess dty gharey-feeyney neu-follan.

Deuteronomy 22:9 ပူးပေါင်းရင်းမြစ်များ

Leviticus 19:19

Nee shiu freaylley my lattyssyn: cha lhig oo da dty ollagh gientyn rish maase jeh dooghys elley: cha jean oo cuirr dty halloo lesh caghlaa rass fud-y-cheilley: cha jean oo ceau garmad dy linsee-woolsee.

Noo Mian 6:24

Cha vod dooinney erbee daa vainshter y hirveish: son edyr ver eh dwoaie da’n derrey yeh, as graih da’n jeh elley; ny bee eh jeidjagh da’n derrey yeh, ny soiaghey beg jeh’n jeh elley. Cha vod shiu Jee as Mammon y hirveish.

Noo Mian 9:16

Cha vel dooinney erbee cur peesh dy eaddagh noa er shenn gharmad: son ta’n pheesh goaill e laane ass y gharmad, as ta’n assee wheesh shen smessey.

Romanee 11:6

As my she liorish grayse, cha vel eh ny sodjey liorish obbraghyn: er aght elley cha vel grayse ny sodjey grayse. Agh my te liorish obbraghyn, eisht cha vel eh ny sodjey grayse: er aght elley cha vel obbyr jeh veg y vree.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

2 Corinthianee 11:3

Agh ta aggle orrym, myr ren yn ard-nieu Aue y volley liorish e chialgyn, myr shen dy beagh ny aignaghyn euish liorish saaseyn erbee er nyn gleaynaghey veih’n ônid shen t’ayns Creest.

Deuteronomy 22:8

Tra t’ou troggal thie noa, eisht nee oo voalley rish oirr mooie y chione, nagh dayrn oo fuill er dty hie, my nee dooinney erbee tuittym jeh.

Jamys 3:10

Ass yn un veeal ta cheet bannaght as mollaght. My vraaraghyn, cha lhisagh ny reddyn shoh ve myr shen.