Deuteronomy 22:6 - Yn Vible Casherick 1775 1819

⁶ My hagh’rys oo er y raad er edd ushag, ayns billey erbee, ny er y thalloo, my she eïn ny oohyn t’ayn, as y chenn ushag ny hoie er ny heïn, ny er ny oohyn, cha jean oo goaill yn chenn ushag marish ny heïn.

Deuteronomy 22:6 ပူးပေါင်းရင်းမြစ်များ

Genesis 32:11

Livrey mee, ta mee guee ort, veih laue my vraar, veih laue Esau: son ta mee goaill aggle roish, dy jig eh as dy stroie eh mish, as y voir marish y chloan.

Genesis 8:17

Cur lhiat magh dy chooilley nhee bio ta mayrt, jeh dy chooilley ghooghys, chammah jeh ny eeanlee, as jeh’n maase, as jeh dagh cretoor ta snaue er y thalloo; dy vod ad cheet er-ash dy palchey er y thalloo, as ve messoil, as bishaghey er yn ooir.

Raaghyn Creeney 12:10

Ta dooinney myghinagh soiaghey mooar jeh bioys e vaagh: agh ta myghinyn meiygh ny mee-chrauee dewilys.

Hosea 10:14

Shen-y-fa nee tharmane caggee troggal mastey dty phobble, as bee ooilley dty chashtallyn er ny spooilley, myr ren Shalman spooilley Beth-arbel ayns laa yn chaggey: va’n moir bransit gys peeshyn er e cloan.

Leviticus 22:28

As edyr eh ve bea, ny keyrrey, cha marr shiu ee, son oural, as yn unnane aeg eck, nyn-neesht ’syn un laa.

Noo Luke 12:6

Nagh vel queig sperriu er nyn greck son daa farling, as cha vel unnane oc jarroodit kiongoyrt rish Jee?

Deuteronomy 22:5

Cha vel ben dy cheau coamrey dooinney; chamoo ta dooinney dy ve coamrit myr ben: son ta ooilley ny ta jannoo y lheid dwoaiagh da’n Chiarn dty Yee.