Deuteronomy 20:3 - Yn Vible Casherick 1775 1819

³ As jir eh roo, Eaisht, O Israel, ta shiu tayrn yn laa jiu er-gerrey gys caggey noi nyn noidyn; ny caill-jee nyn gree, ny gow-jee aggle, as ny bee-jee er-creau, ny fo atchim erbee kyndagh roo:

Deuteronomy 20:3 ပူးပေါင်းရင်းမြစ်များ

2 Recortyssyn 32:8

Mârishyn ta niart y roih foalley, agh mârinyn ta’n Chiarn nyn Yee, dy chooney lhien, as dy chaggey ass nyn lieh. As hug y pobble nyn marrant er goan Hezekiah ree Yudah.

Lioar Yob 23:16

Son ta Jee jannoo my chree meiygh, as ta’n Ooilley-niartal dy my heaghney.

Psalmyn 3:6

Cha goym’s aggle roish jeih millaghyn jeh’n sleih: ta er n’irree-magh m’oï er dy chooilley heu.

Exodus 14:13

As dooyrt Moses rish y pobble, Ny bee aggle erriu; shass-jee, as cur-jee my-ner yn saualtys nee’n Chiarn soilshaghey diu er y laa shoh: son ny Egyptianee ta shiu er vakin jiu, cha vaik shiu ad dy bragh arragh.

Isaiah 28:16

Shen-y-fa shoh myr ta’n Chiarn Jee dy ghra, Cur-my-ner, ta mee soiaghey ayns Zion son undin, clagh, clagh phrowit, clagh-chorneilagh costal, undin shickyr: ersyn ta credjal cha bee oyr nearey.

Isaiah 7:4

As abbyr rish, Gow tastey, as bee ec fea; ny bee aggle ort, chamoo bee lhag-chreeagh, kyndagh rish daa amman jaaghagh ny maidjyn losht shoh, kyndagh rish farg eulyssagh Rezin marish Syria, as mac Remaliah.

Earrooyn 14:9

Agh, ny irree-jee magh noi’n Chiarn, chamoo gow-jee aggle roish pobble y cheer; son cha bee ad agh myr greme d’arran dooin; ta’n kemmyrk oc er n’immeeaght voue, as ta’n Chiarn mârin: ny gow-jee aggle roue.

Noo Mian 10:16

Cur-my-ner ta mish dy choyrt shiu magh myr kirree mastey moddee-oaldey: Bee-jee er-y-fa shen tastagh myr ard-nieughyn, as ôney myr calmaneyn.

Noo Mian 10:28

As ny bee aggle erriu rouesyn varrys y corp, agh nagh jarg er yn annym y varroo: agh bee-jee ayns aggle smoo roishyn oddys annym as callin neesht y stroie ayns niurin.

Noo Mian 10:31

Ny bee-jee shiuish er-y-fa shen ayns aggle, ta ny smoo dy ve soit jiuish na jeh ymmodee sperriu.

Noo Mian 8:26

As dooyrt eh roo, Cre’n-fa ta shiu agglagh, shiuish dy chredjue moal? Eisht dirree eh, as hug eh yn gheay, as yn aarkey fo harey, as va kiuney vooar ayn.

Noo Mark 16:18

Nee ad loaghtey ard-nieughyn, as my iu-ys ad nhee erbee pushoonagh, cha jean eh skielley daue; ver ad nyn laueyn er sleih chingey, as nee ad coural.

Noo Mark 16:6

As dooyrt eh roo, Ny bee aggle erriu: ta shiu shirrey Yeesey dy Nazareth, v’er ny chrossey: t’eh er n’irree; cha vel eh ayns shoh: cur-jee my-ner shoh’n boayl v’eh oanluckit ayn.

Jannoo 27:24

Gra, Ny bee aggle ort, Phaul; shegin dhyt shassoo fenish Cesar: as cur-my-ner ta Jee er ghiootal ort ooilley adsyn ta shiaulley mayrt.

Deuteronomy 1:21

Cur-my-ner, ta’n Chiarn dty Yee er choyrt y cheer kiongoyrt rhyt; immee seose, as gow eh, myr ta’n Chiarn Jee dty ayraghyn er ghra rhyt: ny bee aggle ort, chamoo lhig dty chree voïd.

Deuteronomy 20:1

Tra t’ou goll magh dy chaggey noi dty noidyn, as fakin cabbil, as fainee, as sleih ny shlee ayns earroo na oo hene, ny gow aggle roue: son ta’n Chiarn dty Yee mayrt, hug lesh uss magh ass cheer Egypt.

Deuteronomy 20:2

As hig eh gy-kione, tra ta shiu er dayrn er-gerrey gys y chaggey, dy shass y saggyrt magh, as loayree eh rish y pobble

1 Thessalonianee 5:15

Jeeagh nagh jean veg j’iu cooilleeney olk son olk da dooinney erbee: agh dy bragh eiyr-jee er shen ta mie, chammah nyn mast’ eu hene, as rish dy chooilley ghooinney.

1 Timothy 6:12

Bee dty hidoor dunnal son y chredjue, gow greme er y vea veayn, gys shen t’ou myrgeddin er dty eam, as er n’ghoaill rish credjue mie kiongoyrt rish ymmodee feanishyn.

Hebrewnee 13:6

Shen-y-fa fod mayd dy creeoil gra, Ta’n Chiarn my er-coonee, as cha bee aggle orrym jeh ny oddys dooinney y yannoo rhym.

Joshua 23:10

Nee un dooinney jiuish gimman ersooyl thousane; son she’n Chiarn y Jee eu ta caggey er nyn son, myr yiall eh diu.

Ashlish 2:10

Ny gow aggle roish veg jeh ny reddyn shen nee oo surranse: cur-my-ner, nee yn drogh-spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver-yms dhyt attey dy vea.

1 Samuel 17:32

As dooyrt David rish Saul, Ny lhig da dooinney erbee ve lhag-chreeagh kyndagh rishyn: gowee dty harvaant ayns laue dy chaggey rish y Philistine shoh.