Deuteronomy 2:9 - Yn Vible Casherick 1775 1819

⁹ As dooyrt y Chiarn rhym’s, Faag-jee veue ny Moabiteyn, chamoo gow-jee dy chaggey roo: son cha der-yms diuish cummal ’sy cheer oc, er-yn-oyr dy vel mee er choyrt Ar da cloan Lot son eiraght.

Deuteronomy 2:9 ပူးပေါင်းရင်းမြစ်များ

2 Recortyssyn 20:10

As nish, cur-my-ner, er son cloan Ammon, as Moab, as cronk Seir, orroo cha lhiggagh oo da Israel eïe y choyrt, tra haink ad ass cheer Egypt, agh hyndaa ad voue, fegooish ad y stroie;

Psalmyn 83:8

Ta Assur neesht er hassoo lhieu: as er chooney lesh cloan Lot.

Isaiah 15:1

Errey Voab. Son shickyrys ayns yn oie, ta Ar jeh Moab jeant ny hraartys, as ny host; son ayns yn oie ta Kir jeh Moab jeant ny hraartys, as ny host:

Earrooyn 21:15

As ec ny hawinyn ta roie sheese gys ard-valley Ar, as lhie rish cagliagh Voab.

Earrooyn 21:28

Son ta aile er gholl magh ass Heshbon, lossey veih ard-valley Sihon: te er lostey Ar ayns Moab, as chiarnyn cashtallyn lajer Arnon.

Earrooyn 22:4

As dooyrt Moab rish shanstyr Vidian, Nish nee’n cheshaght shoh sliee seose ooilley ny ta mygeayrt-y-mooin, myr ta’n dow sliee seose faiyr y vagher. As va Balak mac Zippor ree ny Moabiteyn ec y traa cheddin.

Deuteronomy 2:29

(Myr ren cloan Esau ta cummal ayns Seir, as ny Moabiteyn ta cummal ayns Ar y yannoo rhym) derrey vee’m harrish Jordan, gys y cheer ta’n Chiarn nyn Yee dy choyrt dooin.

Deuteronomy 2:5

Ny cur-jee eïe orroo; son cha der-yms diuish wheesh lheead trie jeh’n cheer oc, er-yn-oyr dy vel mee er choyrt cronk Seir da Esau son eiraght.

Briwnyn 11:15

As dooyrt eh rish, Myr shoh ta Jephthah gra, Cha ghow Israel ersooyl cheer Voab, ny cheer cloan Ammon:

Briwnyn 11:17

Eisht hug Israel chaghteryn gys ree Edom, gra, Lhig dou, ta mee guee ort, goll trooid dty heer: agh cha jinnagh ree Edom geaishtagh rish. As myrgeddin hug ad fys gys ree Voab; agh dob eh: as duirree Israel ayns Kadesh.

Briwnyn 11:18

Eisht hie ad trooid yn aasagh, as ghow ad combaase mygeayrt cheer Edom as cheer Voab, as haink ad stiagh er cheu-har jeh cheer Voab, as champ ad er cheu elley dy Arnon, agh cha daink ad stiagh er ardjyn Voab: son Arnon va cagliagh Voab.