Deuteronomy 2:30 - Yn Vible Casherick 1775 1819

³⁰ Agh dob Sihon ree Heshbon raad dooin dy gholl er nyn doshiaght, son ren y Chiarn dty Yee e chree creoi, as roonagh nyn ’oï, er-chee dy livrey eh gys dty laue, myr te ry-akin jiu.

Deuteronomy 2:30 ပူးပေါင်းရင်းမြစ်များ

1 Reeaghyn 12:15

Shen-y-fa cha deaisht y ree rish y pobble; son va’n chooish veih’n Chiarn, dy chooilleeney e ghoo, loayr y Chiarn liorish Ahijah yn Shilonite rish Jeroboam mac Nebat.

2 Recortyssyn 10:15

Myr shen cha dug y ree geill da’n pobble: son va’n chooish veih Jee, dy voddagh y Chiarn e ghoo y chooilleeney, loayr eh liorish Ahijah yn Shilonite rish Jeroboam mac Nebat.

Exodus 11:10

As ren Moses as Aaron ooilley ny yindyssyn shoh kiongoyrt rish Pharaoh: as ren y Chiarn cree Pharaoh y chreoghey, nagh lhiggagh eh yn raad da Israel ass cheer Egypt.

Exodus 4:21

As dooyrt y Chiarn rish Moses; Tra t’ou er gholl, as er roshtyn gys Egypt, jeeagh dy jean oo fenish Pharaoh, ooilley ny yindyssyn shen ta mee er choyrt ayns pooar dty laue: agh neem’s yn chree echeysyn y chreoghey, nagh lhig eh yn raad da’n pobble.

Exodus 7:14

As dooyrt y Chiarn rish Moses, Ta cree Pharaoh er ny chreoghey, dy vel eh gobbal raad y lhiggey da’n pobble.

Isaiah 48:4

Er-y-fa dy row fys aym’s dy vel oo roonagh, as ta dty wannal feh-yiarn, as dty vaaish prash;

Dobberan 3:65

Ver oo daue sou-aigney, hig dty vollaght orroo.

Earrooyn 21:23

As cha lhiggagh Sihon da Israel goll trooid y cheer echey: agh haggil Sihon ooilley e gheiney-caggee dy cheilley, as hie eh magh noi Israel gys yn aasagh: as haink eh gys Jahaz, as ren eh caggey noi Israel.

Earrooyn 21:33

As hyndaa ad, as hie ad seose raad Vashan; as hie Og ree Vashan magh nyn ’oï, eh hene, as ooilley e phobble, gys y chaggey ec Edrei.

Earrooyn 21:34

As dooyrt y Chiarn rish Moses, Ny gow aggle roish: son ta mish er livrey eh gys dty laue, as ooilley e phobble, as y cheer echey: as nee uss jannoo rishyn myr ren oo rish Sihon ree ny Amoriteyn, va cummal ec Heshbon.

Deuteronomy 2:31

As dooyrt y Chiarn rhym’s, Cur-my-ner, ta mee er n’yannoo toshiaght er choyrt dhyt Sihon as e heer, fo dty laue: gow er dty hoshiaght dy ghoaill eh, dy vod y cheer echey ve ayd son eiraght.

Briwnyn 11:20

Agh cha hreishtagh Sihon er Israel dy gholl trooid ny ardjyn echey: son va Sihon er haglym cooidjagh ooilley e phobble, as champ ad ayns Jahaz, as ren eh caggey rish Israel.