Deuteronomy 2:23 - Yn Vible Casherick 1775 1819

²³ As ny Avimee va cummal ayns Hazerim, eer gys Azzah, ren ny Caphtorim haink veih Caphtor stroie, as chum ad’syn ynnyd oc)

Deuteronomy 2:23 ပူးပေါင်းရင်းမြစ်များ

Genesis 10:14

As Pathrusim, as Casluhim, (jeh haink Philistim) as Caphtorim.

Genesis 10:19

As va cagliagh ny Canaaniteyn veih Sidon, myr t’ou cheet gys Gerar, derrey Gaza; myr t’ou goll lesh Sodom as Gomorrah, as Admah, as Zeboim, eer gys Lashah.

1 Reeaghyn 4:24

Son va reiltys echey harrish ooilley’n cheer er cheu shoh jeh’n awin, veih Tiphsah eer gys Azzah, harrish ooilley ny reeaghyn cheu shoh jeh’n awin: as va shee echey er dy chooilley heu mygeayrt-y-mysh.

2 Reeaghyn 18:8

Woaill eh ny Philistinee, eer gys Gaza, as ny ardjyn echey, veih toor yn arreyder gys yn ard-valley fencit.

1 Recortyssyn 1:12

As Pathrusim, as Casluhim, (jeusyn haink ny Philistinee) as Caphtorim.

Jeremiah 25:20

As slane shiartanse ny ashoonyn-quaagh as joarree, as ooilley reeaghyn thalloo Uz, as ooilley reeaghyn thalloo ny Philistinee, as Ashkelon, as Azzah, as Ekron, as fooilliagh Ashdod,

Jeremiah 47:4

Kyndagh rish y laa ta ry-heet dy spooilley ooilley ny Philistinee, as dy yiarey jeh veih Tyrus as Zidon dy chooilley er-coonee ta er-mayrn; son ver y Chiarn naardey ny Philistinee, fooilliagh cheer Caphtor.

Amos 9:7

Nagh vel shiuish myr cloan ny Ethiopianee dooys, O chloan Israel? ta’n Chiarn dy ghra. Nagh nee mish hug lhiam seose Israel ass thalloo Egypt? as ny Philistinee veih Caphtor, as ny Syrianee veih Kir?

Zephaniah 2:4

Son bee Gaza treigit, as Ashkelon ny hraartys: nee ad Ashdod y eebyrt magh ec y vun-laa, as bee Ekron astyrit ass ny fraueyn.

Zechariah 9:5

As nee Ashkelon fakin shoh, as aggle y ghoaill; as hee Gaza eh neesht, as bee eh feer trimshagh, as myrgeddin Ekron: son bee’n jerkal eck ayns fardail, as nee yn ree cherraghtyn veih Gaza, as bee Ashkelon gyn cummaltee.

Jannoo 17:26

As dy vel eh er n’yannoo jeh’n un uill ooilley ashoonyn sheelnaue, dy vaghey er slane eaghtyr y thallooin, as dy vel eh er n’oardaghey ny earishyn roïe kiarit, as cagliaghyn ny cheeraghyn oc:

Joshua 10:41

As woaill Joshua ad veih Kadesh-barnea eer gys Gaza, as ooilley cheer Ghoshen choud’s Gibeon.

Joshua 11:22

Cha row veg jeh sluight Anak faagit ayns cheer cloan Israel: agh ayns Gaza, ayns Gath, as ayns Ashdod, va kuse jeu.

Joshua 13:3

Veih Sihor, ta liorish Egypt, choud’s ardjyn Ekron my-hwoaie, ta lesh ny Canaaniteyn: queig chiarnyn jeh ny Philistinee; ny Gazathiteyn, as ny Ashdothiteyn, ny Eshkaloniteyn, ny Gittiteyn, as ny Ekroniteyn; myrgeddin ny Aviteyn:

Joshua 15:47

Ashdod lesh e baljyn mooar as beg, Gaza as e baljyn mooar as beg, gys awin Egypt, as y faarkey mooar, as y slyst echey:

Briwnyn 1:18

Ghow Judah myrgeddin Gaza as e ardjyn, as Askelon as e ardjyn, as Ekron as e ardjyn.