Deuteronomy 2:14 - Yn Vible Casherick 1775 1819

¹⁴ As va’n traa neayr’s daag shin Kadesh-barnea, derrey va shin er roshtyn harrish yn awin Zered, hoght bleeaney jeig as feed: derrey va slane sheeloghe ny deiney-caggee er lheïe ersooyl veih mastey’n cheshaght, myr va’n Chiarn er vreearrey daue.

Deuteronomy 2:14 ပူးပေါင်းရင်းမြစ်များ

Psalmyn 106:26

Eisht hrog eh seose e laue nyn ’oï: dy chur ad naardey ayns yn aasagh;

Psalmyn 90:15

Gerjee shin reesht, nish lurg y traa t’ou er cherraghey shin: as son ny bleeantyn ayndoo ta shin er hurranse seaghyn.

Psalmyn 90:3

T’ou chyndaa dooinney gys toyrt-mow: reesht t’ou gra, Tar-jee reesht, shiuish chloan gheiney:

Psalmyn 90:9

Son tra t’ou uss corree, ta ooilley nyn laghyn er n’immeeaght: ta ny bleeantyn ain ec kione myr skeeal t’er ny insh.

Psalmyn 95:11

Dauesyn loo mee ayns my chorree: nagh ragh ad stiagh ayns m’ea.

Ezekiel 20:15

Ny-yeih hrog mee seose my laue myrgeddin huc ayns yn aasagh, nagh jinnin ad y chur lhiam gys y cheer shen, chiare mee daue, va taal bainney as mill, ta gloyr dy chooilley heer.

Earrooyn 1:1

As loayr y Chiarn rish Moses ayns faasagh Sinai, ayns cabbane-agglish y cheshaght, er y chied laa jeh’n nah vee, ’sy nah vleïn lurg daue v’er jeet ass cheer Egypt, gra,

Earrooyn 13:26

As jimmee ad, as haink ad gys Moses, as gys Aaron, as gys ooilley sheshaght cloan Israel, gys faasagh Paran, gys Kadesh; as hug ad lhieu fys huc, as gys ooilley’n cheshaght, as yeeagh ad daue mess y cheer.

Earrooyn 32:11

Son shickyrys, cha jean veg jeh ny deiney haink seose ass Egypt, veih feed bleïn dy eash as erskyn, fakin y cheer loo mee da Abraham, da Isaac, as da Jacob; kyndagh nagh vel adsyn dy slane er n’eiyrt orrym:

1 Corinthianee 10:5

Agh jeh ymmodee jeu cha row Jee feer wooiagh; son v’ad er nyn goyrt mow ayns yn aasagh.

Deuteronomy 1:19

As tra daag shin Horeb, hie shin trooid ooilley’n faasagh mooar as atchimagh shen, honnick shiu er raad cheer-ard ny Amoriteyn, myr hug y Chiarn nyn Yee sarey dooin: as haink shin gys Kadesh-barnea.

Deuteronomy 1:2

(Ta jurnah un laa jeig, veih Horeb raad cronk Seir, gys Kadesh-barnea,)

Deuteronomy 1:46

Er shoh, chum shiu ayns Kadesh ymmodee laghyn, cordail rish y traa va shiu ayn roïe.

Deuteronomy 2:13

Trog-jee nish erriu, dooyrt mee, as fow-jee harrish awin Zered: as hie shin harrish awin Zered.

Deuteronomy 2:16

Myr shoh haink eh gy-kione, tra va ooilley ny deiney-caggee er duittym, as marroo veih mastey’n pobble.

Deuteronomy 2:7

Son ta’n Chiarn dty Yee er dty vannaghey, ayns ooilley obbraghyn dty laue: shione da dty immeeaght trooid yn aasagh mooar shoh: rish da-eed bleïn nish, ta’n Chiarn dty Yee er ve mayrt, cha r’ou feme nhee erbee.

Joshua 24:7

As tra deïe ad gys y Chiarn, hug eh dorraghys eddyr shiuish as ny Egyptianee, as hug eh lesh yn aarkey orroo, as choodee eh ad; as ta ny sooillyn eu er vakin ny ren mee ayns Egypt: as ren shiu cummal ayns yn aasagh ry-foddey dy hraa.

Joshua 5:4

As shoh yn oyr v’ec Joshua dy yiarey-chymmylt: ooilley ny deiney haink ass Egypt, eer ooilley ny deiney caggee, hooar ad baase, ’syn aasagh er y raad, erreish daue v’er jeet magh ass Egypt.

Joshua 5:6

Son ren cloan Israel troailt da-eed bleïn ayns yn aasagh, derrey va ooilley yn pobble va deiney caggee, haink magh ass Egypt, marroo, er-yn-oyr nagh dug ad biallys da coraa yn Chiarn: daue shoh ren y Chiarn breearrey nagh jinnagh eh shilley dauesyn jeh’n cheer ren y Chiarn loo da ny ayraghyn oc dy choyrt daue, cheer taal bainney as mill.

Jude 1:5

Baillym er-y-fa shen shiu y choyrt ayns cooinaghtyn, ga dy row fys eu er shoh keayrt dy row, kys dy ren y Chiarn erreish da ve er hauail y pobble ass cheer Egypt, ny lurg shen adsyn y stroie nagh ren credjal.