Deuteronomy 2:13 - Yn Vible Casherick 1775 1819

¹³ Trog-jee nish erriu, dooyrt mee, as fow-jee harrish awin Zered: as hie shin harrish awin Zered.

Deuteronomy 2:13 ပူးပေါင်းရင်းမြစ်များ

Earrooyn 13:23

As haink ad gys coan Eshcol, as yiare ad veih shen un vanglane lesh dossan dy verrishyn-feeyney er, as hug ad lhieu eh eddyr jees, er lorg; as hug ad lhieu jeh ny pomegranateyn, as jeh ny figgyn.

Earrooyn 21:12

Veih shen scugh ad, as ren ad campal ayns coan Zared.

Earrooyn 21:13

Veih shen scugh ad, as ren ad campal er y cheu elley jeh Arnon, ta ’syn aasagh, myr t’ou cheet veih ardjyn ny Amoriteyn: son ta Arnon y chagliagh eddyr Moab as ny Amoriteyn.

Deuteronomy 2:12

Va ny Horimee myrgeddin roish nish cummal ayns Seir, agh haink cloan Esau nyn ynnyd, erreish daue v’er stroie ad roue, as er chummal ’syn ynnyd oc, myr ren Israel ayns cheer e eiraght, hug y Chiarn daue.

Deuteronomy 2:14

As va’n traa neayr’s daag shin Kadesh-barnea, derrey va shin er roshtyn harrish yn awin Zered, hoght bleeaney jeig as feed: derrey va slane sheeloghe ny deiney-caggee er lheïe ersooyl veih mastey’n cheshaght, myr va’n Chiarn er vreearrey daue.