Deuteronomy 19:3 - Yn Vible Casherick 1775 1819

³ Nee oo raad-mooar y yannoo, as rheynn ardjyn dty heer (ta’n Chiarn dty Yee dy choyrt dhyt son eiraght) ayns three ayrnyn, dy vod dy chooilley varrooder cosney huc.

Deuteronomy 19:3 ပူးပေါင်းရင်းမြစ်များ

Isaiah 35:8

As bee raad-mooar ayns shen, eer raad vees enmyssit, Yn raad dy ynrickys; cha jed adsyn ta neu-ghlen er; agh bee eh son y vooinjer elley: cha lhiass da troailtee, ga dy veggan tushtey, goll er-shaghryn ayn.

Isaiah 57:14

As nee eh gra, Tilg-jee seose, tilg-jee seose, kiartee-jee yn raad, scugh-jee yn kiap-snapperal ass raad my phobble.

Isaiah 62:10

Trooid lhieu, immee-jee trooid ny giattyn; kiartee-jee yn raad roish y pobble; tilg-jee seose, tilg-jee seose yn raad-mooar; chymsee-jee ersooyl ny claghyn: trog-jee seose mergey da’n pobble.

Deuteronomy 19:2

Nee oo soiaghey magh dhyt hene three ard-valjyn ayns mean dty heer, ta’n Chiarn dty Yee dy choyrt dhyt son eiraght.

Deuteronomy 19:4

As shoh cooish y varrooder, nee roie er-chea huc, dy hauail e vioys: Quoi-erbee ta marroo e naboo doaltattym, er nagh row dwoaie echey roïe:

Deuteronomy 26:1

As shoh myr vees eh, erreish dhyt v’er jeet gys y cheer, ta’n Chiarn dty Yee dy choyrt dhyt son eiraght, as possession ’ve ayd jeh, as cummal ayn:

Deuteronomy 4:21

Marish shoh, va’n Chiarn corree rhym’s kyndagh riuish, as vreear eh, nagh raghin harrish Jordan, as nagh row mee dy roshtyn gys y cheer mie shen, ta’n Chiarn dy choyrt dhyt’s son eiraght.

Hebrewnee 12:13

As jean-jee raaidyn rea son nyn gassyn, er-aggle dy bee yn baccagh chyndaït jeh’n raad, agh dy vod eh dy jarroo ve er ny niartaghey.