Deuteronomy 18:9 - Yn Vible Casherick 1775 1819

⁹ Tra vees oo er jeet gys y cheer ta’n Chiarn dty Yee er choyrt dhyt, cha n’ynsee oo dy yannoo lurg cliaghtaghyn eajee ny ashoonyn shen.

Deuteronomy 18:9 ပူးပေါင်းရင်းမြစ်များ

2 Reeaghyn 17:11

As losht ad incense ayns ooilley ny ard-ynnydyn, myr ren ny ashoonee va’n Chiarn er n’eiyrt magh rhymboo; as hug ad rish dy chooilley vee-chraueeaght dy vrasnaghey yn Chiarn gys corree:

2 Reeaghyn 17:8

As er n’ymmyrkey ad-hene lurg cliaghtaghyn ny ashoonee, (va’n Chiarn er n’eebyrt roish eddin cloan Israel,) as ny oardaghyn peccoil va reeaghyn Israel er n’yannoo.

2 Recortyssyn 28:3

Marish shoh, ren eh lostey incense ayns coan mac Hinnom, as heb eh e chloan son oural-losht, lurg cliaghtey eajee ny ashoonee va’n Chiarn er n’imman magh roish cloan Israel.

2 Recortyssyn 36:14

Marish shoh, hie ooilley ny ard-gheiney, as ny saggyrtyn dy mooar er-shaghryn, lurg ooilley drogh chliaghtaghyn ny ashoonee, as ren ad thie’n Chiarn, v’eshyn er ny chasherickey ayns Jerusalem, y yannoo an-chasherick.

Jeremiah 10:2

Myr shoh ta’n Chiarn dy ghra, Ny ynsee-jee aght ny ashoonee, as ny bee-jee atchimagh son cowraghyn yn aer; son ta ny ashoonee feer atchimagh rhymboo.

Leviticus 18:30

Shen-y-fa nee shiu freayll my oardagh, nagh jean shiu cur-rish veg jeh ny cliaghtaghyn eajee, hug adsyn roo va reue, nagh jean-jee dwoaiagh jeu hene lioroo: Mish y Chiarn y Jee eu.

Deuteronomy 20:18

Nagh n’ynsee ad oo dy yannoo lurg ooilley ny cliaghtaghyn eajee oc, t’ad er n’yannoo gys ny jeeghyn oc hene, as shiu myr shoh dy yannoo peccah noi’n Chiarn y Jee eu.

Deuteronomy 9:4

Ny smooinee ayns dty chree, erreish da’n Chiarn dty Yee v’er eebyrt ad magh royd, gra, Son my chairys hene ta’n Chiarn er choyrt lesh mee stiagh dy ghoaill possession jeh’n cheer shoh: agh son mee-chraueeaght ny ashoonyn shoh, ta’n Chiarn er nyn imman magh royd.

Deuteronomy 9:5

Cha nee son y chairys ayd’s, ny son ynrickys dty chree, t’ou goll dy ghoaill possession jeh’n cheer oc: agh son mee-chraueeaght ny ashoonyn shoh, ta’n Chiarn dty Yee dy nyn eebyrt magh royd, as dy chooilleeney yn goo vreear y Chiarn da dty ayraghyn, Abraham, Isaac, as Jacob.