Deuteronomy 18:2 - Yn Vible Casherick 1775 1819

² Shen-y-fa cha bee eiraght erbee oc mastey nyn mraaraghyn: ta’n Chiarn yn eiraght oc, myr t’eh er ghra roo.

Deuteronomy 18:2 ပူးပေါင်းရင်းမြစ်များ

Genesis 15:1

Lurg ny reddyn shoh haink goo yn Chiarn gys Abram ayns Ashlish, gra, Ny bee aggle ort, Abram: mish dty endeilagh, as mooar erskyn towse vees dty leagh.

Psalmyn 119:57

Uss my eiraght, O Hiarn: ta mee er yialdyn dy reayll dty leigh.

Psalmyn 16:5

Nyn ourallyn-iu folley cha jean-yms y hebbal: chamoo nee’m imraa jeh’n ennym oc cheu-sthie jeh my veillyn.

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

Isaiah 61:6

As bee shiuish enmyssit saggyrtyn y Chiarn; nee deiney genmys shiu shirveishee yn Jee ain: yiow shiu soylley jeh berchys ny ashoonee, as ayns y ghloyr ocsyn nee shiu boggyssagh.

Dobberan 3:24

Ta’n Chiarn my chronney, ta my annym dy ghra, shen-y-fa bee my varrant er.

Ezekiel 44:28

As cha bee eiraght erbee oc: mish yn eiraght ocsyn: as cha der shiu state-hallooin daue ayns Israel; ta mish daue ayns ynnyd state-hallooin.

Earrooyn 18:20

As loayr y Chiarn rish Aaron, Cha bee eiraght erbee ayd’s ’sy cheer oc, chamoo vees ayrn erbee ayd ny-vud oc: mish dty hoghyr, as dty eiraght mastey cloan Israel.

Earrooyn 18:7

Shen-y-fa, nee uss as dty vec mayrt, freayll oik y taggyrtys eu, ayns dagh nhee bentyn rish yn altar, as er cheu-sthie jeh’n choodagh, as shiuish nee shirveish: ta mish er choyrt diu oik y taggyrtys eu, myr shirveish dy yioot (arryltagh): as bee’n joarree, ta cheet er-gerrey, er ny choyrt gy-baase.

Deuteronomy 10:9

Shen-y-fa cha vel ayrn ny eiraght ec Levi marish e vraaraghyn: yn Chiarn yn eiraght echey, rere myr yiall y Chiarn dty Yee da.

Joshua 13:14

Agh da tribe Levi cha dug eh eiraght erbee; ta ourallyn-losht y Chiarn Jee Israel yn eiraght ocsyn, myr dooyrt eh roo.

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh: