Deuteronomy 17:5 - Yn Vible Casherick 1775 1819

⁵ Eisht ver oo lhiat magh yn dooinney ny’n ven shen (t’er n’yannoo yn drogh obbyr shoh) gys dty yiattyn, eer yn dooinney ny’n ven cheddin: as nee oo claghey dy baase ad lesh claghyn.

Deuteronomy 17:5 ပူးပေါင်းရင်းမြစ်များ

Lioar Yob 31:28

Veagh shoh myrgeddin peccah toilchin kerraghey veih ny briwnyn: son eisht veign er n’obbal yn Jee t’er-nyn-skyn.

Exodus 22:19

Quoi-erbee lhie-ys marish baagh, bee eh, son shickyrys, er ny choyrt gy-baase.

Leviticus 20:2

Nee oo gra, ny sodjey, rish cloan Israel, Quoi-erbee eh jeh cloan Israel, ny jeh’n joarree ta cummal ayns Israel, ta chebbal veg jeh e luight da Molech: bee eh dy shickyr er ny choyrt gy-baase; nee sleih ny cheerey eshyn y chlaghey.

Leviticus 24:14

Cur lhiat magh eshyn ren gwee mollaght cheu-mooie jeh’n champ: as lhig dauesyn ooilley, ren clashtyn eh, cur nyn laueyn er e chione, as lhig da ooilley’n cheshaght eshyn y chlaghey.

Leviticus 24:16

As eshyn ta loayrt goan mollaghtagh noi ennym y Chiarn, bee eh dy shickyr er ny choyrt gy-baase; nee ooilley’n pobble dy shickyr eshyn y chlaghey; bee chammah yn joarree, as eshyn ta ruggit ’sy cheer, tra t’eh goltooaney ennym y Chiarn, er ny choyrt gy-baase.

Deuteronomy 13:5

As bee yn phadeyr ny’n dreamyder shen er ny choyrt gy-baase (son dy vel eh er loayrt dy hyndaa shiu ersooyl veih’n Chiarn nyn Yee, hug lesh shiu magh ass cheer Egypt, as deayshil shiu veih thie ny bondiaght, dy chur oo er-shaghryn jeh’n raad hug y Chiarn dty Yee sarey dhyt dy immeeaght ayn) myr shoh ver oo yn olk ersooyl veih ny mast’ eu.

Deuteronomy 17:4

As shoh ve inshit dhyt, as t’ou er chlashtyn jeh, as er vriaght dy kiaralagh, as cur-my-ner, dy vel eh firrinagh, as shickyr, dy vel lheid y peccah eajee jeant ayns Israel:

Deuteronomy 21:21

As nee ooilley deiney e ard-valley claghey eh dy baase: myr shen ver oo yn olk ersooyl veih ny mast’ eu, as nee ooilley Israel clashtyn as goaill aggle.

Deuteronomy 22:21

Eisht ver ad lhieu magh yn ven aeg gys dorrys thie e ayrey, as nee deiney’n ard-valley eck claghey gy-baase ee: son dy vel ee er n’yannoo ommijys ayns Israel, ayns jannoo streebeeys ayns thie e ayrey: myr shoh ver oo ersooyl olk veih ny mast’ eu.

Deuteronomy 22:24

Eisht ver shiu lhieu ad nyn-neesht magh gys giat yn ard-valley shen, as claghey ad gy-baase; yn ven aeg son nagh dyllee ee magh, myr v’ee ’syn ard-valley: as y dooinney, son dy vel eh er n’injillaghey ben e naboo: myr shoh ver oo ersooyl yn olk veih ny mast’ eu.

Joshua 7:25

As dooyrt Joshua, Cre’n-fa t’ou er hayrn seaghyn orrin? nee’n Chiarn uss y heaghney yn laa jiu. As ren ooilley Israel eh y chlaghey lesh claghyn, as ad y lostey lesh aile erreish daue v’er chlaghey ad lesh claghyn.

Briwnyn 6:31

As dooyrt Joash roosyn ooilley hass seose n’oï, Vel shiu pleadeil ayns lieh Baal? vel shiu shassoo seose er e hon? eshyn nee pleadeil ny lieh lhig eh ve er ny choyrt gy-baase jeeragh er y voghrey shoh: my t’eh ny yee, lhig da loayrt er e hon hene, fakin dy vel fer er lhieggal e altar.