Deuteronomy 17:2 - Yn Vible Casherick 1775 1819

² My vees ry-gheddyn ny mast’ eu, cheu-sthie jeh veg jeh dty yiattyn, ta’n Chiarn dty Yee dy choyrt dhyt, dooinney ny ben ta er n’obbraghey olk ayns shilley’n Chiarn dty Yee ayns brishey e chonaant,

Deuteronomy 17:2 ပူးပေါင်းရင်းမြစ်များ

2 Reeaghyn 18:12

Er-yn-oyr nagh dug ad biallys da coraa yn Chiarn y Jee oc, agh vrish ad e chonaant, as ooilley ny va Moses sharvaant y Chiarn er harey, cha n’eaishtagh ad roo, ny jannoo ad.

2 Reeaghyn 21:3

Son hrog eh seose reesht ny ynnydyn ardey va Hezekiah e ayr er stroie; as hrog eh seose altaryn son Baal, as biljyn mygeayrt-y-moo, myr ren Ahab ree Israel; as hug eh ooashley da ooilley pooaraghyn yn aer, as hirveish eh ad.

Lioar Yob 31:28

Veagh shoh myrgeddin peccah toilchin kerraghey veih ny briwnyn: son eisht veign er n’obbal yn Jee t’er-nyn-skyn.

Exodus 22:19

Quoi-erbee lhie-ys marish baagh, bee eh, son shickyrys, er ny choyrt gy-baase.

Exodus 22:20

Quoi-erbee hebbys oural da jee erbee, agh da’n Chiarn ny-lomarcan, bee eh stroit gyn vyghin.

Jeremiah 31:32

Cha nee rere y chonaant ren mee rish nyn ayraghyn, ’sy laa ghow mee ad er y laue, dy chur lhiam ad ass cheer Egypt; (my chonaant cheddin vrish ad, ga dy row mee myr dooinney-poost dauesyn, ta’n Chiarn dy ghra;)

Jeremiah 34:18

As ny deiney ta er vrishey my chonaant, nagh vel er chooilleeney goan y choardail ren ad ayns my enish, tra rheynn ad yn lheiy ourallagh ayns daa ayrn, as huill ad eddyr dagh lieh jeh,

Ezekiel 16:38

As neem’s uss y vriwnys, myr ta ny mraane ta brishey poosey, as deayrtey fuill er nyn mriwnys, as deayrt-yms dty uill ayns eulys as eadolys.

Hosea 6:7

Agh t’adsyn myr deiney t’er vrishey yn conaant: ayns shen t’ad er ghellal dy molteyragh rhym.

Hosea 8:1

CUR y trumpet gys dty veeal; hig eh myr urley noi thie yn Chiarn, er-yn-oyr dy vel ad er vrishey my chonaant, as er hoiaghey beg jeh my leigh.

Leviticus 20:2

Nee oo gra, ny sodjey, rish cloan Israel, Quoi-erbee eh jeh cloan Israel, ny jeh’n joarree ta cummal ayns Israel, ta chebbal veg jeh e luight da Molech: bee eh dy shickyr er ny choyrt gy-baase; nee sleih ny cheerey eshyn y chlaghey.

Leviticus 26:15

As my nee shiu soiaghey beg jeh my lattyssyn, as cur cooyl rish my vriwnyssyn, as nagh jean shiu cooilleeney m’annaghyn, agh brishey my chonaant;

Leviticus 26:25

As ver-yms lhiam y chliwe erriu, nee cooilleeney ’ghoaill erriu son brishey my chonaant: as tra ta shiu er nyn jaglym cooidjagh ayns nyn ard-valjyn, ver-yms y plague ny-vud eu; as bee shiu er nyn livrey gys laueyn nyn noidyn.

Deuteronomy 17:5

Eisht ver oo lhiat magh yn dooinney ny’n ven shen (t’er n’yannoo yn drogh obbyr shoh) gys dty yiattyn, eer yn dooinney ny’n ven cheddin: as nee oo claghey dy baase ad lesh claghyn.

Deuteronomy 29:18

Nagh bee ny mast’ eu dooinney, ny ben, ny lught-thie, ny tribe, ta ayns nyn gree chyndaa ersooyl veih’n Chiarn nyn Yee, dy gholl dy hirveish jeeghyn ny ashoonyn shoh; nagh bee ny mast’ eu fraue ta gymmyrkey gall as ullymar,

Deuteronomy 29:25

As yiow ad ansoor, Te, son dy vel ad er hreigeil conaant Chiarn Jee nyn ayraghyn, ren eh roo, tra hug eh lesh ad magh ass cheer Egypt.

Deuteronomy 31:20

Son erreish dou v’er choyrt lhiam ad gys y cheer, vreear mee da nyn ayraghyn, ta palchey ayns bainney as mill; as erreish daue v’er n’ee as er n’yannoo ad hene magh, as er n’aase rouanagh; eisht nee ad chyndaa gys jeeghyn elley, as shirveish ad, as brasnaghey mish, as brishey my chonaant.

Deuteronomy 4:23

Bee-jee er nyn dwoaie, er-aggle dy jarrood shiu conaant y Chiarn nyn Yee, ren eh riu, as nagh jean shiu diu hene jalloo grainnit, ny co-chaslys nhee erbee ta’n Chiarn dty Yee er lhiettal dhyt.

Hebrewnee 10:28

Va eshyn ren beg y hoiaghey jeh leigh Voses, er ny choyrt dy baase dyn myghin, fo ghaa ny three dy eanishyn:

Joshua 23:16

Tra vees shiu er vrishey conaant y Chiarn y Jee eu, doardee eh diu, as er n’gholl geiyrt er jeeghyn elley dy hirveish ad, as er choyrt ooashley daue; eisht bee corree’n Chiarn er ny vrasnaghey nyn ’oï, as bee shiu dy leah er nyn eebyrt veih’n cheer mie shen t’eh er choyrt diu.

Joshua 7:11

Ta Israel er n’yannoo peccah, as t’ad er vrishey my chonaant ren mee y harey daue: son t’ad er ghoaill jeh’n eer red cursit, as t’ad myrgeddin er gheid, as neesht er cheiltyn, as eer er choyrt yn ghriu mastey yn chooid oc hene.

Joshua 7:15

As hig eh gy-kione, eshyn vees y red cursit er ny gheddyn er, dy bee eh er ny lostey lesh aile, eh-hene, as ooilley ny t’echey: er-yn-oyr dy vel eh er vrishey conaant y Chiarn, as son dy vel eh er n’yannoo dy olk ayns Israel.

Briwnyn 2:20

As va corree yn Chiarn cheh noi Israel; as dooyrt eh, Er-yn-oyr dy vel y pobble shoh er vrishey my chonaant ren mee rish nyn ayraghyn, as nagh vel ad er choyrt geill da my choraa’s;

Briwnyn 6:31

As dooyrt Joash roosyn ooilley hass seose n’oï, Vel shiu pleadeil ayns lieh Baal? vel shiu shassoo seose er e hon? eshyn nee pleadeil ny lieh lhig eh ve er ny choyrt gy-baase jeeragh er y voghrey shoh: my t’eh ny yee, lhig da loayrt er e hon hene, fakin dy vel fer er lhieggal e altar.