Deuteronomy 16:9 - Yn Vible Casherick 1775 1819

⁹ Shiaght shiaghtinyn nee oo coontey dhyt hene: gow toshiaght dy choontey ny shiaghtinyn veih’n traa t’ou goaill toshiaght dy choyrt y chorran fo’n arroo.

Deuteronomy 16:9 ပူးပေါင်းရင်းမြစ်များ

2 Recortyssyn 8:13

Eer chebbal wheesh shen dagh laa, cordail rish sarey Voses, er ny dooneeyn, as er ny eaystyn-noa, as er ny ard feaillaghyn, three keayrtyn ’sy vleïn, eer er feailley ny caisht, as er feailley ny shiaghtinyn, as er feailley ny cabbaneyn.

Exodus 23:16

As feailley ny fouyr, yn chied-vess jeh dty laboraght, t’ou er chuirr ’sy vagher: as feailley yn chur-stiagh, ta jerrey ny bleeaney, tra t’ou er choyrt stiagh dty hroar ass y vagher.

Exodus 34:22

As nee oo freayll feailley ny shiaghtinyn jeh’n chied-vess y fouyr-curnaght: as feailley yn chur-stiagh, ec jerrey ny bleeaney.

Jannoo 2:1

As tra va laa ny Kingeesh er jeet, v’ad ooilley lesh un aigney ’syn un voayl.

1 Corinthianee 16:8

Agh fuirr-ym ec Ephesus derrey’n Chingeesh.

Deuteronomy 16:10

As nee oo freayll feailley ny shiaghtinyn gys y Chiarn dty Yee, lesh keesh dy oural-arryltagh dty laue, nee oo y choyrt da’n Chiarn dty Yee, rere myr ta’n Chiarn dty Yee dy dty vannaghey.

Deuteronomy 16:16

Three keayrtyn ’sy vleïn hig ooilley ny fyrrynee ayd kionfenish y Chiarn dty Yee, ’syn ynnyd nee eh reih: er feailley yn arran-millish, er feailley ny shiaghtinyn, as er feailley ny cabbaneyn: as cha jig ad lhome-lauee fenish y Chiarn.

Hebrewnee 2:1

Shen-y-fa lhisagh shin tastey s’gyerey ’choyrt da ny reddyn ta shin er chlashtyn, er-aggle ec traa erbee dy jinnagh shin ad y yarrood.

Ruth 2:23

Myr shen chum ee kinjagh marish mraane aegey Boaz dy yeelym gys jerrey’n fouyr-oarn, as y fouyr-churnagh; as ren ee baghey marish e moir-’sy-leigh.