Deuteronomy 16:4 - Yn Vible Casherick 1775 1819

⁴ As cha bee arran soor ry-akin ayd ayns ooilley dty ardjyn rish shiaght laa, chamoo vees veg jeh’n eill, t’ou er hebbal er y chied laa syn astyr, er-mayrn fud-ny-hoie derrey’n voghrey.

Deuteronomy 16:4 ပူးပေါင်းရင်းမြစ်များ

Exodus 12:10

As cha vaag shiu veg y fooilliagh jeh derrey’n voghrey: agh cre-erbee’n fooilliagh vees er-mayrn derrey’n voghrey, nee shiu lostey lesh aile.

Exodus 12:15

Shiaght laa nee shiu gee arran gyn soorit: er yn eer chied laa ver shiu soorit magh ass nyn dhieyn: son quoi-erbee ee-ys arran veih’n chied laa derrey’n chiaghtoo laa, bee’n annym shen giarit jeh veih Israel.

Exodus 12:6

As nee shiu freayll eh seose derrey’n chiarroo laa yeig jeh’n vee cheddin: as nee slane chaglym-cooidjagh Israel y varroo eh ’syn astyr.

Exodus 12:8

As nee ad gee yn eill ’syn oie shen, roast lesh aile, as lesh arran gyn soorit, as lesh lossreeyn sharroo nee ad gee eh.

Exodus 13:7

Rish shiaght laa bee arran gyn soorit er ny ee: cha bee arran lesh soorit ry-akin ny mast’ eu, chamoo vees eh ry-gheddyn ayns ooilley dty ardjyn.

Exodus 23:18

Cha jeb oo fuill my oural-caisht lesh arran soorit; chamoo bee meeaylys my oural er-mayrn derrey’n voghrey.

Exodus 34:25

Cha jean oo chebbal fuill yn oural aym’s, [yn eayn-caisht] lesh soorit-arran, chamoo vees veg jeh oural feailley ny caisht faagit derrey’n voghrey.

Noo Mian 13:33

Coraa-dorraghey elley loayr eh roo, Ta reeriaght niau goll-rish soorid ren ben y ghoaill as coodaghey seose ayns three towseyn dy veinn, derrey va’n clane soorit.

Deuteronomy 16:5

Cha marr oo yn eayn-caisht er cheu-sthie jeh veg jeh dty yiattyn, ta’n Chiarn dty Yee dy choyrt dhyt.