Deuteronomy 16:2 - Yn Vible Casherick 1775 1819

² Nee oo er-y-fa shen yn eayn-caisht y ouralley gys y Chiarn dty Yee, jeh’n chioltane as y chelloo, ’syn ynnyd nee’n Chiarn y reih dy chur e ennym ayn.

Deuteronomy 16:2 ပူးပေါင်းရင်းမြစ်များ

2 Reeaghyn 23:21

As doardee yn ree da ooilley yn pobble, gra, Freill-jee feailley ny caisht gys y Chiarn yn Jee eu, myr te scruit ayns lioar y chonaant shoh.

2 Recortyssyn 35:7

As hug Josiah da ooilley’n pobble va kionfenish, eayin as mannanyn veih’n chioltane son ooilley ny ourallyn-caisht, choud’s jeih thousaneyn as feed, marish three thousane dow: v’ad shoh jeh cooid y ree.

Earrooyn 9:2

Lhig da cloan Israel myrgeddin freaylley’n chaisht ec yn imbagh cooie.

Noo Mian 26:17

Nish er y chied laa jeh feailley yn arran-caisht, haink e ostyllyn gys Yeesey, as dooyrt ad rish, Cre’n raad sailt shin dy yannoo aarloo er dty hon dy ee yn eayn-caisht?

Noo Mian 26:2

Ta fys eu lurg daa laa dy bee feailley ny caisht, as dy bee yn Mac dooinney er ny vrah dy ve er ny chrossey.

Noo Mark 14:12

As er yn chied laa jeh’n arran caisht, tra v’ad marroo yn Eayn-caisht, dooyrt e ostyllyn rish, Cre’n raad sailt shin dy gholl, as dy yannoo aarloo dhyt’s, dy ee yn Eayn-caisht?

Noo Luke 22:15

As dooyrt eh roo, Lesh yeearree jeean ta mee er ve aignagh yn Eayn-caisht shoh y ee mêriu roish my jean-ym surranse.

Noo Luke 22:8

As hug eh magh Peddyr as Ean, gra, Immee-jee, as aarlee-jee yn Eayn-caisht dy vod mayd gee.

1 Corinthianee 5:7

Glen-jee magh er-y-fa shen yn chenn soorid, dy vod shiu ve nyn dheayst noa; myr ta shin hene gyn soorid. Son ta Creest yn Eayn-caisht ain er ny ouralley er nyn son:

Deuteronomy 12:11

Shen y raad vees ynnyd nee yn Chiarn nyn Yee y reih, dy choyrt e ennym ayn, gys shen ver shiu lhieu ooilley ny ta mee dy harey diu, ny ourallyn-losht eu, ny chebballyn, ny jagheenyn, as oural-troggit-seose nyn laue, as y reih jeh dy chooilley vreearrey-arryltagh, ta shiu dy yannoo gys y Chiarn.

Deuteronomy 12:14

Agh ayns yn ynnyd, nee’n Chiarn dty Yee y reih ayns unnane jeh dty hribeyn, ayns shen nee oo chebbal dty ourallyn-losht, as ayns shen nee oo ooilley ny ta mee dy dty harey.

Deuteronomy 12:18

Agh shegin dhyt ad y vaarail kiongoyrt rish y Chiarn dty Yee, ayns yn ynnyd nee’n Chiarn dty Yee y reih, oo hene, as dty vac, as dty inneen, as dty er-mooinjerey, as dty inney-veyl, as y Levite t’er cheu-sthie jeh dty yiattyn: as nee oo boggey ’ghoaill kiongoyrt rish y Chiarn dty Yee ayns ooilley ny t’ou goaill ayns laue.

Deuteronomy 12:26

Agh dty reddyn casherick, as dty vreearraghyn, nee oo goaill, as cur lhiat gys yn ynnyd, nee’n Chiarn y reih:

Deuteronomy 12:5

Agh gys yn ynnyd, nee’n Chiarn nyn Yee y reih ass ooilley ny tribeyn eu, dy chur e ennym ayn, eer ayns e ynnyd-vaghee hene nee shiu shirrey, as gys shen nee shiu cheet:

Deuteronomy 15:20

Nee oo gee eh kiongoyrt rish y Chiarn dty Yee bleïn lurg bleïn, ayns yn ynnyd nee’n Chiarn y reih, uss as lught dty hie.

Deuteronomy 16:1

Cur tastey da’n vee Abib, as freill y chaisht gys y Chiarn dty Yee: son ayns y vee Abib hug y Chiarn dty Yee lesh uss magh ass Egypt er yn oie.

Deuteronomy 16:3

Cha jean oo gee arran soor lesh: rish shiaght laa nee oo gee arran gyn soorit lesh, eer yn arran dy heaghyn: (son haink oo magh ass cheer Egypt ayns siyr) dy vod oo cooinaghtyn er y laa haink oo magh ass thalloo Egypt, ooilley laghyn dty vea.