Deuteronomy 15:9 - Yn Vible Casherick 1775 1819

⁹ Jeeagh nagh bee drogh smooinaght ayns dty chree, gra, Ta’n chiaghtoo vleïn, bleïn yn eaysley er-gerrey: as dy bee dty hooill neu-erreeishagh noi dty vraar boght, as nagh der oo veg da, as dy jean eh geam gys y Chiarn dt’oï, as dy bee shoh son peccah dhyt:

Deuteronomy 15:9 ပူးပေါင်းရင်းမြစ်များ

Lioar Yob 34:28

Myr shen dy vel ad cur er accan y voght dy heet huggey, as t’eh clashtyn eam yn seaghnit.

Psalmyn 101:3

Tra nee oo my niartaghey: nee’m gimmeeaght ayns my hie lesh cree ynrick.

Psalmyn 12:5

Nish er graih seaghyn vee-gherjoil ny ymmyrchee: as er son osnaghyn tromey ny boghtyn;

Psalmyn 9:12

Son tra t’eh jannoo briaght son deayrtey fuill dyn loght, t’eh cooinaghtyn orroo: as cha vel eh jarrood accan ny ymmyrchee.

Exodus 22:22

Cha jean oo tranlaase er y ven-treoghe, ny er y lhiannoo gyn ayr.

Exodus 22:23

My nee oo er aght erbee tranlaase orroo, as ad dy ghaccan hym’s; ver-yms, son shickyrys, clashtyn da nyn eam;

Exodus 3:7

As dooyrt y Chiarn, Dy firrinagh ta mee er vakin seaghyn my phobble t’ayns Egypt, as ta mee er chlashtyn nyn eam, kyndagh rish nyn oaseiryn tranlaasagh; son shione dou nyn drimshey.

Raaghyn Creeney 14:21

Eshyn ta soiaghey beg jeh e naboo, t’eh jannoo peccah: agh eh ta chymmoil er ny boghtyn s’maynrey t’eh.

Raaghyn Creeney 21:13

Quoi-erbee dooinys e chleaysh noi eam yn ymmyrchagh, nee eshyn myrgeddin geamagh; agh cha vow eh clashtyn.

Raaghyn Creeney 23:6

Ny ee jeh arran fer y drogh-hooill, as ny lhig dty aigney ve miandagh er e vee blaystal.

Raaghyn Creeney 24:9

Ta peccah ayns smooinaghtyn ommijagh; as ta’n craidoilagh dwoaiagh mastey deiney.

Raaghyn Creeney 28:22

Eshyn ta shleeuit er berchys, ta drogh-hooill echey, as cha vel eh toiggal dy vod y voghtynid cheet er.

Raaghyn Creeney 4:23

Freill arrey er dty chree lesh ard-chiarail: son magh ass shen ta cheet raaidyn y vea.

Jeremiah 17:10

Ta mish y Chiarn ronsaghey yn cree, ta mee prowal ny meeghyn, eer dy chooilleeney da dy chooilley ghooinney corrym rish e raaidyn, as cordail rish mess e obbraghyn.

Jeremiah 34:14

Ec kione shiaght bleeaney, cur-jee e reamys dagh dooinney da e vraar, ta ny Hebrew kionnit; as tra t’eh er dty hirveish shey bleeaney, ver oo e reamys da: agh cha ren nyn ayraghyn geaishtagh rhym, chamoo ren ad croymmey nyn gleaysh.

Noo Mian 15:19

Son magh veih’n chree ta cheet drogh smooinaghtyn, dunverys, brishey-poosey, maarderys, maarlys, feanish foalsey, goan mollaghtagh.

Noo Mian 20:15

Nagh vel eh lowal dou dy yannoo cre saillym rish my chooid hene? vel dty hooill’s olk, er-yn-oyr dy vel mish mie?

Deuteronomy 15:1

Ec kione dy chooilley shiaght bleeaney nee oo feaysley y yannoo.

Deuteronomy 24:15

Kiart er e laa, roish lhie ny greiney, ver oo e aill da, son dy nee boght eh, as e chree soit er: er-aggle dy jean eh gaccan dt’oï gys y Chiarn, as dy bee eh peccah dhyt.

Deuteronomy 31:10

As hug Moses currym orroo, gra, Ec kione dy chooilley hiaghtoo vleïn, ayns bleïn casherick yn eaysley, ec feailley ny cabbaneyn,

Jamys 4:17

Shen-y-fa eshyn ta fys echey dy yannoo mie, as nagh vel dy yannoo eh, dasyn te peccah.

Jamys 4:5

Vel shiu smooinaghtyn dy vel y scriptyr gra ayns fardail, Ta’n spyrryd ta cummal aynin greinnaghey gys troo?

Jamys 5:4

Cur-my-ner, ta faill ny labreeyn, ta er vuinn ny magheryn eu, ta lieriuish er ny reayll voue dy molteyragh, gaccan: as ta eam ny beayneeyn er n’gholl stiagh ayns cleayshyn y Chiarn dy Heshaght-chaggee flaunys.

Jamys 5:9

Ny gow-jee sproght goanlyssagh ry-cheilley, vraaraghyn, er-aggle dy bee shiu er nyn gheyrey: cur-my-ner ta’n briw shassoo ec y dorrys.

1 Peddyr 4:9

Cur-jee oltaghey-bea yn derrey yeh da’n jeh elley fegooish mooaraghey.