Deuteronomy 15:8 - Yn Vible Casherick 1775 1819

⁸ Agh nee oo fosley dty laue huggey dy lhean, as nee oo, son shickyrys, geeasaght da wheesh as nee magh y ymmyrch.

Deuteronomy 15:8 ပူးပေါင်းရင်းမြစ်များ

Noo Luke 6:34

As my ta shiu geeasaght dauesyn voue ta shiu jeeaghyn son cooilleeney, cre ta nyn mooise? son ta eer drogh-sleih geeasaght da drogh-sleih; dy gheddyn wheesh cheddin reesht.

Noo Mian 5:42

Cur dasyn ta jannoo aghin hood, as veihsyn ta shirrey geeasaght voïd, ny chyndaa ersooyl.

Galatianee 2:10

Ny-lomarcan baillhieu dy gooinagh shin er ny boghtyn; yn red cheddin va mee aggindagh dy yannoo.

Psalmyn 37:26

Ta’n fer-cairagh dy bragh myghinagh, as geeasaght: as ta e luight er ny vannaghey.

Raaghyn Creeney 19:17

Eshyn ta giastyllagh da ny boghtyn, t’eh geeasaght da’n Chiarn: as son shen t’eh myr shoh dy vaarail, bee eh er ny eeck da reesht.

Leviticus 25:35

As my ta dty vraar er jeet dy ve boght, as gyn fort dy chooney lesh hene; eisht nee uss feaysley ’yannoo er: ga dy nee joarree ny troailtagh eh; dy vod eshyn baghey mayrt.