Deuteronomy 15:7 - Yn Vible Casherick 1775 1819

⁷ My vees dooinney boght erbee jeh dty vraaraghyn ny mast’ eu, er cheu-sthie jeh veg jeh dty yiattyn, ayns y cheer ta’n Chiarn dty Yee dy choyrt dhyt, cha jean oo dty chree y chreoghey, ny dty laue y yeigh noi dty vraar boght:

Deuteronomy 15:7 ပူးပေါင်းရင်းမြစ်များ

Nehemiah 5:1

As hug ny deiney, as ny mraane oc stiagh plaiynt trome noi nyn mraaraghyn ny Hewnyn.

Esther 9:19

Er shoh ren Hewnyn ny baljyn-cheerey, as cummaltee ny baljyn foshlit, yn chiarroo laa yeig jeh’n vee Adar, laa son gennallys, as cuirraghyn, as ard feailley, as dy stowal giootyn er y cheilley.

Esther 9:22

Son dy dooar ny Hewnyn er ny laghyn shen fea veih nyn noidyn, as dy row yn vee shen er ny hyndaa veih trimshey gys gennallys, as veih dobberan, gys laa bannee: dy yannoo laghyn dy chuirraghyn as gien mie, as dy choyrt giootyn yn derrey yeh gys y jeh elley, as cooney gys ny boghtyn.

Exodus 22:25

My ver oo argid er eeasaght da veg jeh my phobble, ta fo boghtynid mayrt, cha jig oo ro hionn er, chamoo hroggys oo thack jeh.

Raaghyn Creeney 19:17

Eshyn ta giastyllagh da ny boghtyn, t’eh geeasaght da’n Chiarn: as son shen t’eh myr shoh dy vaarail, bee eh er ny eeck da reesht.

Raaghyn Creeney 21:13

Quoi-erbee dooinys e chleaysh noi eam yn ymmyrchagh, nee eshyn myrgeddin geamagh; agh cha vow eh clashtyn.

Isaiah 58:10

My nee dty chree meiyghey gys ny accryssee, as dy jean oo magh yn annym seaghnit; eisht nee dty hoilshey brishey magh ayns y dullyr, as bee dty ghorraghys myr y vun-laa:

Leviticus 25:35

As my ta dty vraar er jeet dy ve boght, as gyn fort dy chooney lesh hene; eisht nee uss feaysley ’yannoo er: ga dy nee joarree ny troailtagh eh; dy vod eshyn baghey mayrt.

Noo Mian 18:30

Agh cha lhiggagh eh lesh: agh hie eh, as hilg eh eh ayns pryssoon, derrey eeckagh eh ny v’eh dy lhiastyn.

Noo Mian 5:42

Cur dasyn ta jannoo aghin hood, as veihsyn ta shirrey geeasaght voïd, ny chyndaa ersooyl.

Deuteronomy 15:11

Son cha bee yn cheer dy bragh gyn voghtyn: shen-y-fa ta mee cur currym ort, gra, Nee oo fosley dty laue dy feoilt da dty vraar boght, as ymmyrchagh, ayns dty heer.

Deuteronomy 15:9

Jeeagh nagh bee drogh smooinaght ayns dty chree, gra, Ta’n chiaghtoo vleïn, bleïn yn eaysley er-gerrey: as dy bee dty hooill neu-erreeishagh noi dty vraar boght, as nagh der oo veg da, as dy jean eh geam gys y Chiarn dt’oï, as dy bee shoh son peccah dhyt:

Deuteronomy 24:14

Cha jean oo tranlaase er sharvaant faillagh ta boght as ymmyrchagh, edyr eh dy ve jeh dty vraaraghyn, ny jeh dty yoarreeyn, t’ayns dty heer, er cheu-sthie jeh dty yiattyn.